Янгиликлар (5382)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Кўплаб мамлакатларда COVID-19 пандемияси пасаймаганлиги сабабли амал қилаётган чеrловлар туфайли Жаҳон ҳижоб кунига бағишланган тадбирларнинг аксарияти онлайн форматида бўлиб ўтади. Турли динларга эътиқод қиладиган ва турли миллатларга мансуб аёллар #WorldHijabDay нишонлайди ва мусулмон хотин-қизларни қўллаб-қувватлашини намойиш этади.
Тожикистон президенти Эмомали Раҳмон республикада коронавирус устидан тўлиқ ғалаба қозонилгани ҳақида маълум қилди, деб ёзади «Sputnik Таджикистан». Унинг сўзларига кўра, ҳозирги пайтда мамлакатда COVID-19 га чалинганлар умуман йўқ, касаллик қўзғатувчи эса, «батамом йўқ қилинган». Бунда давлат раҳбари ҳукуматнинг санитария борасидаги кўрсатмаларига, жумладан, масжидларга ташриф буюришда ҳам риоя қилишга кўрсатма берди.
АҚШ президенти Джо Байденнинг маъмурияти Дональд Трамп маъмурияти томонидан «Толибон» афғон радикал гуруҳи билан тузилган тинчлик ҳақида битимни қайта кўриб чиқади, хабар қилади Рейтер Оқ уйга таяниб. Агентликнинг маълумотларига кўра, бу ҳақида АҚШ президентининг хавфсизлик бўйича маслаҳатчиси Джейк Салливан ўзининг афғон ҳамкасби билан телефон орқали суҳбатда айтди.
Камида 40 минг киши Москвада ташкил қилинган «Навалнийга озодлик!» норозилик намойиши қатнашчиларига айланди, хабар қилади Reuters. Агентлик бу Москвада охирги йилларда уюштирилган энг йирик рухсатсиз акциялардан бири бўлди, деб айтмоқда.
Шу ҳафта бошида COVID-19 га қарши кураш бўйича тезкор штаб берган маълумотларига кўра, Қозоғистонда ҳар ҳафта ингдан ортиқ кишида коронавирус аниқланмоқда. Шу пайтгача 2,5 ой давомида Қозоғистонда ўртача ҳафтасига 700 киши бу касалликка чалинарди, айрим ҳоллардагина 800-900 киши қайд этилган.
Франциядаги учта мусулмон ташкилоти аввалроқ мамлакат президенти Эммануэл Макрон ултиматив шаклда қабул қилишни талаб қилган «республика қадриятлари хартияси»ни рад қилди. Мамлакат мусулмон ташкилотларини бирлаштирувчи мусулмонлар дини бўйича Франция Кенгаши Исломнинг республика тамойилларига мослигини тасдиқлашни талаб қилди ва кенгаш хартияга рози бўлди.
АҚШ собиқ президенти Дональд Трамп лавозимини тарк этишидан бир ҳафта олдин Оқ уйда ўтказилган махсус маросим вақтида Марокашнинг олий мукофоти билан тақдирланди, хабар қилади АҚШ маъмуриятида юқори лавозимда ишлайдиган манбаси. Манбанинг маълум килишича, Трампга мукофот Рабатнинг Исроил билан алоқаларни нормаллаштириш ҳақида битим тузишдаги ролини эътироф этиш учун берилди.
АҚШнинг янги сайланган президенти Джо Байденнинг илк қарорларидан бири бўлган Дональд Трампнинг мусулмон давлатларидан иммиграция борасидаги баҳсли тақиқини бекор қилган қарор диний озчилик томонидан миннатдорлик билан қабул қилинди.
АҚШ ҳукумати Шинжон-Уйғур автоном районида уйғурларга нисбатан Хитой ҳаракатларини геноцид ва инсониятга қарши жиноят сифатида кўриб чиқмоқда. Бу ҳақида АҚШ давлат котиби Майкл Помпео маълум қилди. унинг сўзларига кўра, мамлакат ҳукумати камида 2017 йилнинг март ойидан бошлаб Шинжондаги уйғурлар ва бошқа этник ва диний озчиликлар вакилларига нисбатан инсониятга қарши жиноятлар содир этган.
Сўнгги йилларда Астрахан областида 50 дан ортиқ масжид тикланди ва қурилди. Бу ҳақида минтақа раҳбари Игор Бабушкин Мусулмонлар марказий маънавий бошқаруви раиси, Россия Олий муфтийси Талғат Тожуддин билан учрашув чоғида эслатиб ўтди.
Қозоғистонда ҳозирги пайтда атиги иккита исломи банк - Al Hilal ва Заман-Банк фаолият юритади. 2020 йил ноябрининг охирида уларнинг умумий активлари 81,9 мрд тенгени ташкил қилган ва ўтган йилнинг худди шу даври билан таққослаганда 45,5%га ўсган.
АҚШдаги энг йирик Ислом инсон ҳуқуқлари ташкилоти мамлакат Президентининг инаугурацияси куни мусулмонлардан Капитолий ва унинг атрофидаги бинолар билан яқинлашмасликни сўрайди. Америка-Ислом алоқалари бўйича Кенгаш (CAIR) шу куни диндошларни ўнг-радикаллар зўравонлик ҳаракатлари ҳақида огоҳлантирмоқда.
16 январь куни Туркияда машҳур жамоат арбоби ва мусулмон аёллар ҳуқуқлари ҳимоячиси Зекийе Йағмурчу вафот этди. 1997 йил Туркияда рўй берган ҳарбий тўнтаришдан сўнг ўша пайтлар педагог бўлиб ишлаган Зекийе, Туркиядаги бошқа кўплаб аёллар каби, ҳижобда юрганлиги сабабли ишдан бўшатиб юборилди ва у келгуси фаолиятини Туркияда мусулмон аёлларнинг ҳуқуқлари учун курашга бағишлади. Орадан 14 йил ўтгач, унга ўз ишига қайтишга рухсат этилди.