Сионистик режим қўмондонларининг Ғазога кира олмагани, Холид Машалнинг қуруқликдан бостириб кириш ҳақида огоҳлантириши, сионист аскарларнинг Женин лагерига ҳужум қилиши ва можаролар бошланиши, Европа Иттифоқининг Ғазодаги можароларни тугатиш сўрови ва Фаластиндаги воқеалар билан боғлиқ сўнгги янгиликлар.
IQNA агентлигининг «Фаластин Ахборот маркази»га таяниб хабар беришича, жума куни тонгда сионистик режим қўмондонлик кучлари Ғазо сектори шимолидаги Байт Ханун ўқи томонидан, шунингдек, Ғазо шарқидаги ҳудудларга киришга уринган, аммо ал-Қассам бригадаси кучлари томонидан кучли қаршилик ва пистирмага дуч келди.
Сионистик режимнинг Ғазо секторида фаластинликларни қирғин қилиши ва самолетлардан аҳоли турар жойлари, тиббиёт марказлари ва бошпаналарни бомбардимон қилиши "Ақсо тўфони" операциясининг 21-кунида ҳам давом этмоқда, фаластинлик қурбонлар сони 7028 кишига этди. Ҳалок бўлганларнинг аксарияти аёллар ва болалар турар жойларига қилинган ҳужумлар қурбони бўлди.
Европа Иттифоқи Ғазо секторидаги можарони тўхтатишга чақирмоқда
Ал-Жазира телеканали хабар берди: Европа Иттифоқи етакчилари Исроил ва ХАМАС ўртасидаги урушни тўхтатиш ва Ғазога ёрдам етказиш учун "барқарор" йўлак яратишга чақирувчи баёнот берди.
Холид Машалнинг Ғазога қуруқликдан бостириб кириши ҳақидаги огоҳлантириши
Фаластиннинг «Сама» ахборот агентлиги шундай деб ёзди: ХАМАС сиёсий бюроси раҳбари Холид Машал бир гуруҳ ёшлар билан онлайн учрашувда Ғазо секторига қуруқликдаги уруш яқинлашаётганини ва бу хавфли босқичга олиб боришини маълум қилди.
Америка бу жангда иштирок этаётганлигини таъкидлаб, у шундай деди: "Вашингтон бугун режалаштириш ва умумий бошқарув орқали бу жангда, чунки Исроил 7 октябрдаги мағлубият каби яна бир мағлубиятни кўтара олмайди".
