Ҳиндистон Путинни космосда ҳам ортда қолдириб кетди: «Чандраян-3» Ойга муваффақиятли қўнди. Ҳиндистоннинг «Чандраян-3» модули Ой юзасига муваффақиятли қўнди.
Ҳиндистон ўзининг космик кемасини Ойга етказиб бера олган дунёдаги тўртинчи мамлакат (СССР, АҚШ ва Хитойдан кейин) бўлди. Бугун, 23 август куни Ҳиндистоннинг «Чандраян-3» сайёралараро модули Ернинг сунъий йўлдошига муваффақиятли қўнди.
Тарихда биринчи марта космик кема Ойнинг Жанубий қутбига юмшоқ қўнди. Ушбу тарихий воқеа трансляциясини 7,5 миллионга яқин киши онлайн томоша қилди. Кадрлар жуда ҳаяжонли эди.
Шундай қилиб, тушишининг сўнгги 15 дақиқасида Чандраян-3 хавфли маневр қилди: у 90 даражага бурилиб, тик ҳолатга ўтди. Яхшиямки, ҳамма нарса энг яхши тарзда якунланди. Ҳиндистоннинг бу космик муваффақияти Россиянинг "Луна-25"ой дастурининг муваффақиятсизлигини таъкидлади. Эслатиб ўтамиз, 19 август куни руслар Ернинг сунъий йўлдошига юмшоқ қўнишга ҳаракат қилаётганда модулларини йўқотдилар. Ушбу лойиҳага 19 йиллик иш ва миллиардлаб рубл сармоя киритилди, ҳаммаси беҳуда бўлиб чиқди. «Луна-25» нинг муваффақиятсизлиги рус диктатори Путин режимининг обрўсига катта зарба бўлди. Аввалроқ islamonline.uz Кремл Луна-25 қулаши ҳақида оммавий ахборот воситаларига гапиришни тақиқлаши мумкин, деб хабар қилганди. Шунингдек, биз Роскосмос раҳбари Борисов Кремлнинг мағрурлиги - Луна-25 станциясининг қулаши сабабини айтганини ёздик.