Украина 290 кмгача бўлган масофадаги нишонларни уришга қодир бўлган Storm Shadow қанотли ракеталарини олди.

Буюк Британия аллақачон Украинага бир қатор "Storm Shadow" қанотли ракеталарини етказиб берди, бу эса қарши ҳужум бошланишидан олдин Қуролли Кучларга мутлақо бошқача масофадаги янги зарба бериш потенциалини тақдим этди. Бу ҳақда Американинг CNN телеканали бир вақтнинг ўзида бир нечта юқори мартабали Ғарб расмийлари маълумотларига таяниб хабар берди. "Storm Shadow" ҳавода учириладиган қанотли ракета бўлиб, 290 дан 560 км гача бўлган масофаларга зарба бера олади. Ракета британиялик ва француз муҳандислари томонидан ишлаб чиқилган.
Бундай масофа Севастопол ва Қрим кўприги ҳудудидаги нишонларга Украина томонидан назорат қилинадиган ҳудудлардан эришиш учун этарли бўлиши мумкин. Биттасининг нархи 850 000 евро (1,18 миллион доллар). Ракетанинг учиш масофаси тахминан 560 км. Бироқ, SCALP EG нинг экспорт версияси, эҳтимол Украинага тақдим этилади, 290 км гача қисқартирилди. Ғарб расмийсининг CNN телеканалига айтишича, Буюк Британия расмий Киевдан ракеталар фақат Украина суверен ҳудудида қўлланилиши ва Россия ҳудудида қўлланилмаслиги ҳақида кафолат олган. Шу билан бирга, журналистлар эътибор берган нарса: расмий Лондон аввалроқ босиб олинган Қрим Украинанинг суверен ҳудуди эканлиги ҳақида оммавий баёнотлар берган. Катта эҳтимол билан Қримдаги ҳарбий иншоотлар яқинда янги ракеталардан ҳужумга учрайди. Ракета "масофа бўйича асосий ўйинни ўзгартиради", деди АҚШнинг юқори мартабали ҳарбий амалдори CNNга. Унинг қўшимча қилишича, ракета Киевга уруш бошидан бери сўраган имкониятларни беради.