Россия Украинага қарши урушни давом эттираётган бир пайтда, шахсий таркиби ва техникасида улкан йўқотишларга учрамоқда. АҚШнинг янги сайланган президенти Дональд Трамп бу масалада ўзининг маълумотларини баён қилди.

Гап тахминан 600 минг аскар ҳақида бормоқда. Бу ҳақда Дональд Трамп Truth Social ижтимоий тармоғидаги саҳифасида маълум қилди, деб хабар беради 24 Канал.

Россиянинг йўқотишлари ҳақида Трамп нималар деди?

Дональд Трамп Сурияда Асад режимига қарши исёнчилар уруши давом этаётган вазият ҳақида фикр билдириб, Путиннинг Асадга ёрдам бера олмаслиги сабабларини келтириб ўтди. У Москва Украинанинг урушда жуда катта йўқотишларга учраганини таъкидлади.
"Украинада 600 мингдан ортиқ аскарини йўқотган Россия чуқур ботқоққа ботиб қолди ва энди Суриядаги исёнчиларнинг ҳақиқий 'юриши'ни тўхтата олмайди, деб ўйлайман," – деб ёзди Трамп.
Трампнинг сўзларига кўра, Россия Сурияда фуқаролик уруши бошланганидан кейин ушбу ҳудудга аралашган эди, аммо ҳозир россиялик ҳарбийлар ҳам, Асаднинг қўшинлари ҳам у ердан сиқиб чиқарилган. Америка сиёсатчиси бу вазиятни, эҳтимол, "улар учун энг яхши нарса" деб атади.

АҚШ Сурияга аралашмаслиги керак

Трамп Америка Қўшма Штатлари Суриядаги ҳозирги вазиятга аралашмаслиги кераклигини ҳам таъкидлади. Унинг фикрича, Америкага бу можарода иштирок этиш манфаатли эмас.

Абу Муслим