Ҳозиргача Украинада Россия босқини натижасида камида 8311 нафар тинч аҳоли ҳалок бўлган, улардан 437 нафари болалар. Бундан ташқари, 11 мингдан ортиқ тинч аҳоли жароҳатланган. Бу ҳақида 20 ноябрь, якшанба куни бўлиб ўтган умуммиллий телемарафон эфирида мамлакат бош прокурори Андрей Костин маълум қилди. "Аммо биз ҳақиқий кўрсаткич анча юқори эканлигини тушунамиз, бизда ҳали ҳам айрим босиб олинган ҳудудларга кириш имкони йўқ", — дея қўшимча қилди у.
Костиннинг сўзларига кўра, сўнгги икки ой давомида Харьков, Донецк ва Херсон вилоятлари ишғолидан озод қилинган ҳудудлардан 700 дан ортиқ ҳалок бўлганларнинг жасади топилган, уларнинг 90 фоизи тинч аҳоли вакилларидир. "Биз деярли ҳар бир шаҳарда, Харьков вилоятининг ҳар бир қишлоғида Украина фуқаролари ҳалок бўлган жойларни топдик", деб таъкидлади бош прокурор.
45 000 дан ортиқ эҳтимолий уруш жиноятлари қайд этилган
Уруш бошланганидан бери Украина Бош прокуратураси 45 мингдан ортиқ эҳтимолий ҳарбий жиноятлар ва миллий хавфсизлик асосларига қарши 19 мингдан ортиқ жиноятларни қайд этган, деди Костин.
Россия Федерациясининг 216 нафар ҳарбий хизматчисига нисбатан ҳарбий жиноятларда гумон қилиниб, улардан 17 нафари ҳарбий асирлар, қолганларига сиртдан айблов эълон қилинган, деди Костин. 60 нафар шахсга нисбатан айблов хулосаси судга юборилган, улардан 12 нафари судланган.
Руслар гумон қилинаётган жиноятлар орасида аҳоли пунктларига ҳужум қилиш, тинч аҳолига нисбатан ёмон муносабатда бўлиш (73 гумондор), тинч аҳолини қасддан ўлдириш (35 гумондор), жинсий зўравонлик (гумон 6 нафар ҳарбий хизматчига эълон қилинган, улардан бири қотилликда ҳам гумон қилинмоқда).