Исроиллик филантроп Леонид  Невзлиннинг фикрича, Ғарб разведка идоралари Россия Украинада ядро қуролини қўллашга тайёрланаётганига оид ҳақиқий далилларни қўлга киритса, Россия президенти Владимир Путин ўлдирилиши мумкин. Бу фикрини у gordonua.com интернет нашри асосчиси Дмитрий Гордонга берган интервьюсида билдирди.
Невзлиннинг айтишича, у америкаликлар билан 30 йилдан ортиқ вақт давомида ишламоқда ва АҚШнинг юқори мартабали расмийларининг ядро қуролидан фойдаланиш "даҳшатли оқибатларга олиб келиши" ҳақидаги баёнотларига ишонишга мойил.
"Агар улар зарядни кузатамиз десалар, снарядлар қандай сақланиши ва ҳаракатланишини кузатадилар. Агар улар жавоб қақшатқич зарба бўлишига шама қилсалар, Путин буни тушунтиргандан кўра бошқача тушуниши керак... Йўқ, гап қарор қабул қилувчи марказлар йўқ қилинишида. У билан бирга. Мен буни шундай қабул қиламан. Мен ишонаманки, америкаликлар ядро қуролидан фойдаланиш хавфи юзага келган тақдирда уни йўқ қилишга ва унинг атрофидагиларни йўқ қилишга тайёр", - деди Леонид Невзлин.
Унинг ишончи комилки, Ғарб разведка идоралари Путин, унинг атрофидагилар ва армияни кечаю кундуз кузатиб боради ва шу боис зарур маълумотларни олдиндан олади.
Мисол сифатида Невзлин Украинадаги объектларга ракеталарни нишонга олган Россия Қуролли кучлари Бош ҳисоблаш марказининг 30 га яқин ходими маълумотлари билан журналистик суриштирув эълон қилинганини келтирди. Унинг фикрича, украиналик хакерлар терговни тайёрлашга ёрдам берган.
"Менимча, америкаликлар биз тасаввур қилганимиздан ҳам кўпроқ нарсани билишади", деди Леонид Невзлин.