Босиб олинган Донецкдаги нефт омборларидан бирида 6-июл, чоршанба куни тушдан кейин ёнғин чиқди. Маълумотларга кўра, бу артиллерия зарбаси пайтида содир бўлган. Донецк аҳолиси ёнғин суратга олинган лавҳаларни интернетда баҳам кўишяпти. Видеолар "Украина 365"Telegram каналида мавжуд.
Донецкнинг Кировский туманида нефт омбори ёниб кетган. Бу шаҳарнинг ғарбий қисмидир.
Украина ҳарбий қўмондонлиги ҳозирча маълумотга изоҳ бермади. Ёқилғи базасини йўқ қилиш ортида Украина қуролли кучлари турган бўлиши мумкин, чунки объект шарқий фронтда РФ Қуролли Кучларининг босқинчи гуруҳини таъминлаш учун жуда муҳимдир.
Эътиборлиси,  6 июл куни артиллерия зарбаси натижасида Донецкдаги РФ Қуролли кучларининг ўқ-дорилар омбори ҳам йўқ қилинди. Руслар объектни шаҳарнинг шарқий қисмида жойлашган Азотний микрорайонига жойлаштирганди.
Умуман олганда, сўнгги ҳафталарда ОРДЛОда Россия Федерацияси босқинчи армиясининг 10 дан ортиқ ҳарбий базалари ва омборлари йўқ қилинди. Ҳатто фронт чизиғидан узоқда жойлашган рус армиясининг ҳарбий объектлари ҳам ҳужумга учради. Айтиш мумкинки, Украина Қуролли Кучлари РФ Қуролли Кучларининг босқинчи контингентини кучайтирилган демилитаризациялаш ишларини олиб бормоқда.