«Албатта, бу қулоқлик! Бу чечен сиёсатчилари томонидан биринчи мартами, агар улар сиёсатчи бўлса? Наҳотки мен улар олиб ташламоқчи, йўқ қилмоқчи бўлган биринчи одам бўлсам. Хўш, нима қилиш керак? Ҳақиқат шундай. Россияда шунақаси ҳам бор», — деди Сокуров. Шунингдек, у Чеченистон раҳбарларига ўз даъволарини (керак бўлса) шахсан Россия Федерацияси раҳбарига юборишни маслаҳат берди.
Бундан ташқари, режиссер Путиндан шахсий учрашув ҳақида сўрамаслигини, аммо у таклиф қилса, рад этмаслигини таъкидлади: "Агар унинг суҳбатлашиш учун учрашиш истаги бўлса, мен албатта, эътироз билдирмайман ва йўқ демайман".
10 декабр, жума куни Путин иштирок этган СПЧ онлайн учрашувида Сокуров у билан мунозарага киришди. У Россия Федерацияси тузилиши билан боғлиқ бир қатор муаммоларни таъкидлади — миллатлараро можаролар, ҳудудий даъволар ва унинг халқи вакиллари тақдири. Хусусан, режиссер федерация таркибида яшашни истамайдиганларга эътибор беришни таклиф қилди.
Кейинчалик Чеченистон раҳбари Рамзан Қодиров Александр Сокуровнинг Кавказ ҳақидаги сўзларини экстремизм нуқтаи назаридан текширишга чақирди. Шунга ўхшаш таклифни Чеченистон Республикаси парламенти раиси Магомед Даудов ҳам билдирган. Унинг сўзларига кўра, Сокуровнинг баёнотларини баҳолаш талаби ёзилган актуб Россия тергов қўмитаси раиси Александр Бастрикинга юборилади.