Младич бундан чорак аср муқаддам якун топган низонинг суд томонидан жазоланган сўнгги йирик қатнашчиси бўлди. Собиқ хўжайини, босниялик сербларнинг собиқ президенти Радован Караджич билан у юз мингдан ортиқ одам ҳалок бўлган ва миллионлаб одамлар бошпанаси қолган Босния урушидаги этник хунрезликлар ташкил қилганлик учун умрбод қамоқ жазосини ўтайди.
«Босниялик қассоб» номи остида шуҳрат қозонган ва бир пайтлар серғайрат ҳарбий арбоб бўлган Младич «этник тозалаш» кампанияларидан тортиб Сараевонинг қамал қилиниши ва 1995 йил Сребреницада урушнинг авж нуқтаси бўлган хунрезлик учун жавобгар бўлган қўшинларга қўмондонлик қилган.
Унинг заҳарли мероси Боснияни ажратишда давом этмоқда, унинг қора кўланкаси эса,  Болқондан ташқарида ҳам тарқалди. Босния ва Герсеговинадаги серблар учун у ўз халқини ҳимоя қилиш учун курашган уруш қаҳрамони ҳисобланади.
Боснияликлар, асосан мусулмонлар учун у доимо уруш пайтида уларнинг даҳшатли азоб-уқубатлар ва йўқотишлар учун жавобгар жиноятчи бўлиб қолаверади.
Младич ҳам, худди Караджич каби, серблар ва ҳатто хорижий ультра ўнг қанот тарафдорлари томонидан боснияликлар геноциди учун ҳурмат қилинган.
2019 йил Янги Зеландиянинг Крайстчерч шаҳрида ўнлаб ибодат қилаётган мусулмонларни отиб ташлаган австралиялик одам уруш пайтидаги босниялик серб раҳбарлари илҳомланиб бу ишни қилгани маълум.