Ушбу маҳсулотлар Америка ҳудудига Lop County Meixinкомпаниясига тегишли 800 минг долларлик товарлар партияси доирасида келган. АҚШ расмийлари молларни уйғур маҳбуслари ва мажбурий меҳнат, шу жумладан болалар меҳнати ёрдамида ишлаб чиқарилган деган асосда ҳибсга олишга буйруқ берган.
Смитнинг сўзларига кўра, ушбу маҳсулотни ҳибсга олишга ордер 17 июнь куни берилган ва унинг мақсади АҚШда бизнес олиб боришни истаган барча компанияларга "мамлакат ўз таъминот занжирида ноқонуний ва ғайриинсоний ҳаракатларга тоқат қилмаслиги" тўғрисида огоҳлантиришдир.
Lop County Meixin – мажбурий меҳнатдан фойдаланганлик учун қора рўйхатга киритилган, Шинжонда одам сочларидан маҳсулот ишлаб чиқарувчи учинчи компания. Компаниянинг маҳсулотлари кўпинча сочларни узайтириш ва тўқув учун ишлатилади.
АҚШ Божхона хизмати баёнотида айтилишича, АҚШга импорт қилувчи компаниялар ўзларининг етказиб бериш тармоғида мажбурий меҳнат йўқлигини тасдиқлашлари керак.
Шу билан бирга, АҚШ Давлат департаменти, Савдо вазирлиги, Ғазначилик ва Ички хавфсизлик департаменти АҚШ корхоналари Шинжон ва Хитойнинг бошқа қисмларида мажбурий ёки қамоқхона ишларига алоқадор таъминот занжирлари орқали ишлаб чиқарилган маҳсулотларни олиб киришдан эҳтиёт бўлишлари кераклигини огоҳлантирди.
АҚШ департаментлари, шунингдек, мамлакатдаги компаниялар Шинжонга кузатув тизимларини етказиб бермасликлари ёки этник гуруҳларни ҳибсга олиш учун ишлатиладиган иншоотлар қурилишига ёрдам бермасликлари кераклиги ҳақида огоҳлантирмоқда.
Давлат Департаментининг баёнотида айтилишича, Хитой ҳукумати "Шинжонда уйғурлар, этник қозоқлар, қирғизлар ва бошқа мусулмон озчиликларга қарши репрессия кампаниясини давом эттирмоқда".
Шунингдек, бундай чоралар кўраётган корхоналар "ўз обрўси, ҳуқуқий ва иқтисодий хавф-хатарларини" тушунишлари кераклиги таъкидланган.