Исроил Бош вазири Бинямин Нетаняху чоршанба куни Моссад ташқи разведка хизматига бутун дунё бўйлаб Фаластиннинг Хамас ҳаракати етакчиларига қарши террор қилишни буюрганини айтди.
“Мен Моссадга Хамас етакчиларига улар қаерда бўлмасин, уларга қарши ҳаракат қилиш ҳақида кўрсатма бердим”, деди бош вазир матбуот анжуманида.
Нетаняхунинг изоҳлари Қатар воситачилигида Исроил ва Ҳамас ўртасида Ғазо секторида вақтинчалик ўт очишни тўхтатиш ва Исроил қамоқхоналаридаги фаластинлик маҳбуслар эвазига бир неча ўнлаб исроиллик гаровга олинганларни озод қилиш бўйича келишувга эришилган пайтга тўғри келди.
7 октабр куни Исроил Фаластиннинг ҲАМАС ҳаракатининг ҳарбий қаноти томонидан эълон қилинган “Ал-Ақса тошқин” операцияси доирасида Ғазо секторидан мисли кўрилмаган миқёсдаги ракета ҳужумига учради. Шундан сўнг ташкилот жангчилари Исроил жанубидаги чегара ҳудудларига кириб, у ерда ҳам ҳарбий, ҳам тинч аҳолига қарата ўт очган, шунингдек, 200 дан ортиқ асирларни гаровга олган. Исроилда, расмийларнинг сўнгги маълумотларига кўра, тахминан 1,2 минг киши ҳалок бўлган, бу рақам тинч аҳоли, аскарлар, чет эл фуқаролари ва ишчиларни ўз ичига олади, шунингдек, 5 мингдан ортиқ киши жароҳат олган.
Бунга жавобан Исроил мудофаа кучлари Ғазо секторида Хамасга қарши “Темир қиличлар” операциясини бошлади. Бир неча кун ичида исроиллик ҳарбийлар Ғазо билан чегара яқинидаги барча аҳоли пунктларини назорат остига олди ва чизиқдаги нишонларга, жумладан, тинч аҳолига ҳаво ҳужумларини бошлади. Шунингдек, Исроил Ғазо секторини тўлиқ блокадага олганини эълон қилди: сув, озиқ-овқат, электр энергияси, дори-дармон ва ёқилғи етказиб бериш тўхтатилди.