Ал-Шифа тиббиёт мажмуаси директори Муҳаммад Абу Салмиянинг айтишича, Ғазо секторидаги тажовузнинг 39-кунида Исроил ҳужумлари қурбонлари ўнлаб одамлар касалхона ҳудудидаги оммавий қабрга дафн этилган.
Абу Салмиянинг АФПга айтишича, кеча мажмуада камида 179 жасад дафн этилган, жумладан, электр узилиши туфайли ҳалок бўлган етти нафар боланинг жасади.
Абу Салмия Ал Жазеера.Нет нашрига берган интервюсида маъмурият ўлганларни мажмуа ичидаги оммавий қабрга дафн этишга мажбур бўлган, чунки уларнинг жасадлари чириган ва ташқарида буни амалга оширишнинг иложи йўқлигини айтди. Шу билан бирга, қазилган қабр барча шаҳидларни сиғдирадиган даражада катта эмас.
Исроил аскарлари томонидан қамал қилинган Ал-Шифа касалхонаси мунтазам равишда ўқ ва ракета ҳужумларига учрамоқда. Мажмуани қамал қилиш давом этаётгани сабабли кўплаб ярадор беморлар ўлишга маҳкум, ярадорларнинг 40 нафари аллақачон вафот этган.
Исроил ишғол кучлари кеча тунда мажмуага навбатдаги “босқин” уюштириб, қидирув ишларини бошлашдан аввал фавқулодда вазиятлар бўлимига тутунли бомба ўққа тутди. Шифокорларнинг айтишича, шифохонадан бирорта ҳам ўқ отилгани йўқ, аммо шунга қарамай, Исроил ҳарбийлари унга қарата ўқ узган. Алоқа каналлари тўсиб қўйилгани учун охирги рейдда қанча одам ҳалок бўлгани ёки қанча одам яралангани номаълум.