Қурбон ҳайити муносабати билан Алмати шаҳар Марказий масжидида қиз-келинчаклар орасида «Ясин» сурасини ўқиш бўйича конкурс бўлиб ўтди. Конкурсни Қозоғистон Мусулмонлар диний идораси раиси муовини, ноиб муфтий Бауржан Есмахан очиб берди. Ноиб муфтий ўз нутқида Қуръони каримнинг фазилатлари, уни ўқиш ва ёд олишнинг афзалликлари, асосийси, унинг амрларига сўзсиз риоя қилиш ҳақида сўзлаб берди. Шунингдек, у конкурсда Қуръон ўқувчи қиз-келинчакларга омад тилади.
Конкурсда 14 қатнашчи иштирок этди.
Конкурс якунларига кўра, І ўринни Батырбекова Назерке эгаллади ва 50 минг тенге миқдорида мукофот олди. ІІ ўринни Толыбаева Мольдир (мукофот - 30 минг тенге), ІІІ ўринни эса Ермеккызы Амине (20 минг тенге) эгаллади. Қолган барча қатнашчиларга эсдалик совғалар тарқатилди.
|
Мақола жойлаштирилган бўлим:
Янгиликлар
|
