Бунда сўровда иштирок этганларнинг кўпчилиги қолган динларга нисбатан ижобий муносабат билдирган.
Тадқиқотчиларнинг қайд этишича, Германия шарқидаги ва ғарбидаги кўрсаткичлар жиддий фарқ қилади. Ғарб умуман олганда, бағрикенглик даражаси юқори: сўровда иштирок этганларнинг 50%и мусулмонларни таҳдид деб атаган, 38%и эса ижобий муносабат билдирган. Шарқда респондентларнинг 57%и исломни таҳдид деб хисоблайди ва 29%и унда ижобий жиҳатларни кўрган.
Бертельсманн фонди муросасизликда айбловлардан ўзини ҳмиоя қилишга шошилди. Фонд эксперти Ясемин Ал-Менуарнинг айтишича, тадқиқот фақат немисларнинг скептицизми ҳақида гапиради, уларнинг исламофобияси ҳақида эмас. У кўпчилик исломни диндан кўра кўпроқ сиёсий оқим деб ҳисоблашини қўшимча қилиб қўйди.
Таъкидлаш жоизки, 2017 йил «Дин монитори» тадқиқотида фонд шарқий немисларнинг 30%и ва ғарбий немисларнинг 16%и мусулмонларни қўшнилар сифатида кўришни истамаслигини айтганди. Бунда шарқда ғарбдан кўра анча камроқ мусулмон яшайди. Умуман Германияда эса қарийб 5 млн мусулмон истиқомат қилади, бу мамлакат аҳолисининг 5%идан кўпроқ демакдир.