Форс кўрфази араб мамлакатларининг баёноти ва олий даражадаги учрашувидан сўнг эълон қилинган алоҳида коммюнике қиролликдаги нефтни қуйиш станциялари ва БАА қирғоқлари бўйидаги танкерларга қилинган ҳужумлардан кейин Саудия Арабистони ва БААнинг ўз манфаатларини ҳимоя қилиш ҳуқуқини қўллаб-қувватлади.
Аммо якдилликка эришилмади, чунки қўшни Эрон ва Вашингтон билан яхши алоқада бўлган Ироқ Теҳрон билан ҳар қандай ҳамкорлик "бошқа мамлакатларга аралашмаслик"га асосланган бўлиши кераклиги айтилган араб коммюникесига эътироз билдирди.
«Эроннинг хулқ-атворига қарши мустаҳкам тўхтатиб турадиган позиция йўқлиги бугунги кунда биз кузатаётган вазиятга олиб келди", - деди қирол Салмон икки марта кетма-кет кечқурун бўлиб ўтган учрашувларда.
Саудия Арабистони ҳукмдори Эроннинг ядровий ва ракета салоҳияти ривожланиши ва жаҳон нефт таъминотига таҳдид қилиш минтақавий ва глобал хавфсизликка таҳдид солаётганини таъкидлади.
Айтганча, АҚШ давлат котиби Майк Помпео пайшанба куни Ормуз бўғози яқинидаги муҳим бункер марказининг ёнида жойлашган тўртта кемага қилинган ҳужумлар «эронликларнинг бутун дунё бўйлаб хом нефт нархини кўтаришга уринишлари» эканини айтди.
Ар-Риёд Теҳронни яманлик ҳусийларга Қироллик ҳудудига ҳужум қилишни буюрганликда айблади. АҚШ миллий хавфсизлик бўйича маслаҳатчиси Жон Болтон пайшанба куни Эроннинг танкерларга қарши ҳужумларга алоқадорлиги ҳақидаги далилларни келгуси ҳафта БМТ хавфсизлик Кенгашига тақдим этишини маълум қилди.
Теҳрон ҳар қандай алоқани рад қилмоқда.
Ироқ президенти Барҳам Солиҳ, йиғилганларни ўз мамлакатининг барқарорлигини қўллаб-қувватлашни сўраб, Эрон билан муносабатлардаги кескинликнинг ўсиши урушга олиб келиши мумкинлигини айтди. Ар-Риёд ва Абу-Даби ҳам урушни истамаслигини айтди.