Аввалроқ Трамп маъмурияти яманликларга COVID-19 инқирозини ҳал қилишда ёрдам бериш учун қарийб 1,7 миллион доллар ажратилишини эълон қилган эди, аммо бу Ямандаги ёрдам ва тикланиш жамғармаси тахминига кўра Қўшма Штатлар мамлакатга коронавирус пандемияси билан курашишда ёрдам бериши керак бўлган 1,3 миллиард доллар миқдорининг 1 фоизидан камроғини англатади.
Бирлашган Миллатлар Ташкилотининг Яман учун гуманитар ёрдам координатори Лиз Гранде 225 миллион долларлик озиқ-овқат ёрдамини "ҳаёт чизиғи" деб баҳолади, чунки COVID-19 пандемияси "тобора тезроқ" тарқалмоқда.
"Ҳар куни миллионлаб бегуноҳ яманликлар оч ҳолда уйғонишади",- дейди Гранде. “Қаерга борманг, одамлар ёрдамга муҳтож. Маблағлар етишмаслиги сабабли ҳар куни БМТ дастурлари ёпилади"
2018 йил июл ойидан бери Америка Қўшма Штатлари Яманга халқаро ташкилотлар ва нодавлат ташкилотлари қаторидан бўлган шериклари орқали 1,1 миллиард доллардан ортиқ миқдордаги гуманитар ёрдам кўрсатди.
Март ойида Трумп маъмурияти исёнчилар томонидан чекловларни айтиб, Яман аҳолисининг кўп қисми истиқомат қиладиган хуссийлар назорати остидаги ҳудудларга 73 миллион доллар миқдорида ёрдамни камайтирди.
Ёрдамнинг кескин камайиши, маъмуриятнинг Жаҳон соғлиқни сақлаш ташкилоти билан ишлашни тўхтатиш тўғрисидаги қарори билан биргаликда Бирлашган Миллатлар Ташкилотини уруш қамраб олган мамлакатда кўплаб операцияларни қисқартиришга мажбур қилди.
"Биз АҚШнинг молиялаштириш ҳақида эълон қилишни маъқуллаймиз, аммо у ҳали ҳам Яманнинг шимолида ишлайдиган ЖССТ ташкилотлари учун тўхтатилган ёрдам муаммосини ҳал қилмади", деди Oxfam America гуманитар сиёсати раҳбари Скот Пол. "Биз YSAIDни бошқа донорлар ва ҳокимият вакиллари билан тоза сув, совун тарқатиш, соғлиқни сақлаш марказларини қўллаб-қувватлаш ва бошқа дастурларни ишончли тарзда қайта молиялаштириш йўлларини топишда ёрдам беришга ундашда давом этамиз."
Ўшандан бери хусийлар гуманитар ёрдам борасида бир қатор имтиёзларга эга бўлишди. Хусусан, улар ташқи ёрдамга 2% миқдорида солиқ солиш режасидан воз кечдилар ва ННТларга фирибгарликни текшириш учун биометрик маълумотлардан фойдаланишга рухсат бердилар.
Маъмуриятдаги гуманитар ходимлар маълум ютуқларга эришилганини тан олишади, аммо агентликларнинг мустақил ишлашига имкон бериш учун янада кўпроқ нарса қилиш керак.
"Биз тўсиқларни бартараф қилиш бўйича аниқ ҳаракатларни кўришимиз керак, шу жумладан ёрдам бериш учун сафарга рухсатномаларни тасдиқлаш, шерикчилик битимларига риоя қилиш, бенефициарларни танлашга аралашишни тўхтатиш ва агентликларга эҳтиёжларига қараб мустақил ва нейтрал ҳаракат қилишларига имкон бериш лозим", деди Ричард Олбрайт, Аҳоли, қочоқлар ва миграция бюро котибининг ёрдамчиси ўринбосари матбуот учун брифингда.