Муаллифлар Россия ва Саудия Арабистони ўртасидаги дуэлда ким биринчи бўлиб киприк қоқиши ҳақидаги саволга жавоб топиш учун Путин биографиясини кузатмоқдалар. Муаллифлар қуйидаги хулосага келдилар: Путин ҳеч қачон босим остида ортга чекинмаган. У собиқ душман билан ярашиши ёки муроса қилиши мумкин. Лекин у ўзини бумаъни тутиши ва таҳдид тилидан фойдаланмаслиги керак.

Судан ҳукумати коронавирусга қарши кураш доирасида кечқурун ва тунда комендантлик соатлари кучга кирганини эълон қилди. "Сешанба куни соат 20.00 (Москва вақти билан 21.00) дан 06.00 (Москва вақти билан 07.00) гача мамлакатнинг барча шаҳарларида комендантлик соати жорий этишга қарор қилинди", - деб РИА Новости олган Суданнинг Хавфсизлик ва Мудофаа Кенгаши таркибига кирувчи Фавқулодда вазиятлар бўйича Олий қўмитанинг баёнотида айтилган.

Тихар қамоқхонаси маъмурлари яқин кунларда коронавирус инфекциясининг тарқалишига қарши курашиш учун уч мингга яқин маҳбусни қўйиб юборишларини айтишди, деб хабар беради Ани нашри. "Яқин 3-4 кун ичида биз коронавирус таҳдиди туфайли қамоқхоналардаги иш ҳажмини камайтириш учун 1,5 мингга яқин маҳбусни ва тахминан шу миқдордаги тергов остидаги одамларни озод қилишга ҳаракат қиламиз. Бу ашаддий ёки хавфли жиноятчиларга тааллуқли эмас ", - деди қамоқхона бош директори Тихар.

Буюк Британияда бир суткада коронавирус юқтириб олганлар сони 967 кишига ортиб, 6650 кишини ташкил этди, хабар қилади мамлакат соғлиқни сақлаш вазирлиги. "23 март соат 9.00 (12.00 мск) ҳолатига Буюк Британияда 83 945 киши текширилди, шундан 77 295 киши касаллик юқтирмаган бўлиб чикди, 6650 кишида эса ушбу ташхис тасдиқланди", - дейилади соғлиқни сақлаш вазирлигининг «РИА Новости»га берган хабарида.

АҚШда  COVID-19 тасдиқланган кишилар сони 40 мингдан ортиб, икки кунда икки баравар кўпайди, хабар қилди душанба куни АҚШ бўйича маҳаллий маълумотлар тўплайдиган Джонс Хопкинс университети. Унинг маълумотларига кўра, коронавирус тасдиқланган ҳолатлар сони 41167 тани ташкил қилди, 485 киши вафот этган.

2019 йилнинг декабр ойида Хитой раҳбарлари дунёга жамиятга вирус тарқалаётганини хабар беришди. Кейинги ойларда у бошқа давлатларга, икки баробар тезроқ тарқала бошлади. Ушбу вирус оддийгина қилиб коронавирус деб аталадиган COVID-19 га олиб келадиган коронавирус-2 билан боғлиқ ўткир респиратор синдромдир. У одамга юққанида нима содир бўлади? Биз нима қилишимиз керак?

"Инқироз пайтида миш-мишлар ва ёлғон хабарлар жуда тез тарқалади, - деб ёзади немис нашри Süddeutsche Zeitung. - (...) Охирги кунларда бир-бири билан боғлиқ бўлган 3 та ҳодиса рўй берди: Германияда ўзини «Польди онаси» деб атаган аёл бемаъни гаплар гапиряпти. АҚШда ўзини Қўшма Штатлар президенти деб атаган эркак бемаъни гаплар гапиряпти. Бунда бутун дунёда ўн минглаб одам коронавирусга чалиняпти".

Жаҳон соғлиқни сақлаш ташкилоти (ЖССТ) бош директори Тедрос Гебреисус спиртли ичимликлар ва тамаки маҳсулотларидан воз кечиш коронавирусга қарши туришда ёрдам бериши ҳақида баёнот берди, хабар қилади РБК. Исломда тақиқланган (ҳаром) бу одатлар ўрнига у мунтазам бадантарбия килишни – дарвоқе, намоздаги беш карра ҳаракатларни ҳам енгил бадартарбияга киритиш мумкин – имкон қадар кўпроқ вақтни тоза ҳавода ўтказишни маслаҳат берди.

Мутлақ жанг чемпионати бўйича (UFC) россиялик чемпион Хабиб Нурмагомедовнинг дунёдаги коронавирус пандемияси шароитларида ўзининг Instagram да фотосуратига миллиондан ортиқ одам лайк босди. Шанба куни чоп этилган селфида спортчи қора рангли тиббий ниқобда муҳрланган.

Эроннинг олий этакчиси Али Хаменеий АҚШнинг Эрон Ислом Республикасида коронавирус тарқалишига қарши курашда ёрдам бериш таклифини қатъиян рад этди ва Вашингтонни ҳалокатли вирусни яратишда айблаганини эслади. Хаменеийга кўра, Оқ уй маъмуриятининг Теҳронга ёрдам беришга тайёрлиги ҳақидаги баёноти ғалати бўлиб кўринади, чунки АҚШ матбуотда айтилишича, уларнинг ўзи дори-дармонлар етишмовчилигини бошдан кечирмоқда.

Италияда охирги сутка ичида коронавирус инфекциясидан ўлим кўрсаткичлари сони рекорд натижани қайд этди, яъни 793 киши вафот этди. Умумий кўрсаткич 4 825 кишини ташкил қилди. Жаҳон соғлиқни сақлаш ташкилотиниг маълумотларига кўра, дунё бўйича охирги суткада коронавирус юқтириб олганла сони 32 минг кишига ўсди ва 266 кишига етди. 11 мингдан ортиқ киши вафот этди. Джонс Хопкинс университети хабар қилишича, коронавирусга чалинганлар сони дунё бўйича 300 минг кишидан ошиб кетган.

"Владимир Путиннинг шаклланаётган полициячи давлати учун коронавирус – кутилмаган бош репетиция. Россия президенти ҳокимиятни жипслаштирган шароитларда полиция ва хавфсизлик хизматлари ўз имкониятларини одамлар юзини таниб олишдан тортиб оломонни назорат қилиш усулларигача бўлган даражада такомиллаштиришга йиллар сарфлади. Энди эса вируснинг тарқалиши бу имкониятларни ва Путин учун унинг кескин чораларини қўллаб-қувватлаш имкониятини кутилмаганда текширишни таъминлайди", - деб ёзади The New York Times.