Бабашева Ўзбекистон Халқ демократик партиясидан депутат. Бабашеванинг ваколатларини муддатидан илгари тугатиш тўғрисидаги қарор туман кенгаши томонидан қабул қилинди. 24 депутатдан 23 нафари уни ваколатдан маҳрум этиш учун овоз берди. Депутатлар сессиясида айнан нима дейилгани маълум эмас. Аввалроқ, 22 ноябрь куни Кенгаш уни депутатлик дахлсизлигидан маҳрум қилди.
9 ноябрь куни «Агробанк» бошқарув раисининг аризаси асосида прокуратура депутат Феруза Бабашевани дахлсизликдан марҳрум этиш ҳақида тақдимнома киритди. Бир неча кун ўтгач, ижтимоий тармоқларда Бабашеванинг бир эркак билан тўшакдаги видеоси тарқалди. Тошкент вилояти ИИББ октябрь ойининг бошида Бўстонлиқ тумани Хумсон маҳалласи аҳолиси «Chorbogʻ goʻzal bogʻi» дала ҳовлилар жамияти уйларида «Сарвар» ва «Баҳром» исмли шахслар «ишқий алоқалар, яъни фаҳш учун жой» ташкил қилганидан шикоят қилгани ҳақида маълумот берди. Маълумотларга кўра, улар «жинсий алоқа қилиш учун шароитлар яратилган» жойларни ижарага бериб келишган. «Айрим ахлоқсиз одамлар тунги пайт аҳолининг тинчини бузмоқда, бу нафақат катталарга, балки ёшларга ҳам  салбий таъсир кўрсатяпти», — иқтибос келтиради нашр.
Тезкор гуруҳ ходимлари коттежларни текширишди ва уйлардан бирида Феруза Бабашева ва Д. Ш. исмли эркакни топдилар. ИИББ маълумотларига кўра, улар жинсий алоқа (зино) қилишган. Кейинчалик Бабашева хавфсизлик кучлари уни уч соат ушлаб, бармоғини синдириб, тушунтириш хати ва депутат рўй берган воқеа ҳақида гапирмаслигини кафолатловчи хат ёзишга мажбур қилмоқчи бўлганини иддао қилди. Бабашеванинг таъкидлашича, у «фаришта эмас», аммо «ҳуқуқ-тартибот органларининг разил ходимлари»ни жазолашни талаб қилади.
Прокуратуранинг тақдимномасида Бабашевани «Агробанк» бошқармаси бошлиғи Мухитдин Қиёмовни ҳақорат қилгани учун маъмурий жавобгарликка тортиш учун депутатлик дахлсизлигидан маҳрум қилиш кераклиги айтилган. Қиёмовнинг иддао қилишича, Бобошева уни "жоҳил, иккиюзламачи, қўрқоқ, ҳақиқатни айта олмайдиган, ўз манфаати учун ота-онасидан ва халқдан воз кечадиган "ечки" деб атаган."Бабашева ва банк ўртасидаги можаро банк мижозлари бўлган ўқитувчиларнинг картадан пул олишда комиссия тўлаши туфайли юз берди.
Бабашеванинг партиядошлари Ўзбекистон Конституциясида ҳар бир инсоннинг шаъни ва қадр-қимматига тажовузлардан ҳимояланиш, шахсий ҳаётга аралашиш, уй дахлсизлиги кафолатланганини эслатиб, уни қўллаб-қувватладилар. Ёлланма блогерлар ҳам фаҳшда қўлга тушган депутатни “оқлаш” компаниясини олиб бормоқда.