Қайд этилишича, видеомурожаатдаги фикрлар ҳақиқатдан йироқ.
«Рўмол ўраган аёлларга ҳеч қандай озор берилаётгани йўқ, бундай топшириқлар бўлмаган, бўлмайди ҳам», - дейилади ИИББ маълумотида.
Қайд этилишича, аёлларни автобусга таклиф қилишдан мақсад – коронавирус инфекцияси тарқалиши муносабати билан хавфсизлик меъёрларига риоя қилиш муҳимлиги ҳақида сантария-эпидемиология назорати хизмати ва профилактика инспекторлари томонидан профилактик суҳбатлар ўтказилиши бўлган.
«Жамоат жойида тиббий ниқобсиз бўлган фуқаро С.Н. ва Н.Р. санитария-эпидемиология хизмати вакиллари ва профилактика инспекторлари томонидан профилактик суҳбат ўтказилиши учун автобусга чиқаётган вақтлари видео муаллифи томонидан тасвирга туширилган. Видеодаги воқеа 21 сентябрь куни тахминан соат 19:25 да Шайхонтоҳур тумани Ғунча массиви ҳудудида рўй берган.
Ҳурматли фуқаролар! Интернетга видео жойлаб, унга ўз фикрларингизни қўшишдан олдин аслида нима бўлаётгани ҳақида қизиқиб кўришингизни сўраймиз. Автомобиль ичида ўтириб олиб, ўз мулоҳазаларингиз билан ўртоқлашишингизни тўғри иш деб бўлмайди. Агар видео муаллифи автобусдаги аёллардан хавотирда бўлганида, ходимларнинг ёнига бориб, нима бўлаётгани ҳақида қизиқиб кўрган бўлмасмиди?
Шу билан бирга, шаҳримиз аҳолиси ва меҳмонларига коронавирус хавфи ҳануз долзарблигини эслатиб ўтмоқчимиз. Кўпчилигимиз касалликни бошдан ўтказдик, кимдир коронавирус туфайли яқин инсонини йўқотди. Ҳаётингиз ва соғлиғингизни хавф остига қўйманг, сантария-эпидемиология қоидаларига риоя қилинг», - дейилади ИИББ изоҳида.
Тошкент шаҳар ИИББ ўранган аёллар ушланиб, сўроқ қилингани ҳақидаги видеога изоҳ берди
Ижтимоий тармоқларда Тошкентда рўмол ўраган аёллар ички ишлар органлари ва Миллий гвардия ходимлари томонидан ушланиб, махсус автобусга олиб кириб кетилгани ҳақида видеомурожаат тарқалди. Тошкент шаҳар Ички ишлар бош бошқармаси ахборот хизмати ушбу видеомурожаат юзасидан расмий изоҳ берди.
|
Мақола жойлаштирилган бўлим:
Иллат
|
