Қўшма Штатларда ўтказилган ижтимоий тадқиқотлар иштирокчиларидан бошқа нарсалар қаторида, АҚШ президенти сайловларида мусулмонларга овоз бериш масаласи ҳақида сўрашди. Маълум бўлишича, америкаликларнинг аксарияти Оқ уй раҳари лавозимини мусулмон киши эгаллашига қарши эмас. Респондентларнинг 66 фоизи президентлик сайловларида мусулмон учун овоз беришга тайёрлигини айтди.

ИШИД етакчиси Абу Бакр ал-Бағдодий бир неча йилдан бери биринчи марта интернетда жойлаштирилган провокацион видеоси пайдо бўлди. У 2014 йил Ироқнинг Мосул шаҳри масжидида сўзга чиққанидан буён кўринмай кетганди. Соғлом ал-Бағдодийнинг пайдо бўлиши тасодифий эмас ва бу ҳаттоки ғарб мамлакатларининг махсус хизматлари учун ҳам кутилмаган ҳолат бўлди, деб ёзади тунислик журналист. Ўз нутқида террорчи янги ҳужумлар билан таҳдид солди.

Грозний шаҳрида «Мехкарий» аёллар учун такси лойиҳаси ишга туширилди. Бу ерда барча ҳайдовчилар - аёллардир, - хабар қилади лойиҳа ташаббусчиси Мадина Цакаева. Аёллар учун такси ишга тушириш ғоясини у аёлларнинг автомобил ичида нотаниш эркаклар билан бўлиши Ислом дини меъёрларига зид келиши билан ҳам асослади.

Туркия муқаддас Рамазон ойида Қозоғистоннинг Туркистон шаҳрида истиқомат қиладиган муҳтож ва ночор оилаларга ёрдам кўрсатди. Туркия Дин фонди (TDV) линияси бўйича Хўжа Аҳмада Яссавий масжидида 30 нафар муҳтож  шахсга озиқ-овқат маҳсулотлари тарқатилди.

Дунёнинг энг йирик спорт кийимлари ишлаб чиқарувчи компанияларидан бири саналган Nike Томонидан тақдим этилган ҳижоб Lyst таҳлилий платформаси томонидан тузилган энг урф бўлган кийим-бош предметлари рейтингидан ўрин олди. The Independent нашрининг хабар қилишича, компания томонидан 2017 йил тақдим этилган Pro Hijab номи остидаги спортча мусулмонлар рўмоли рейтингда еттинчи ўринни эгаллади.

Оқ уйда мамлакат Президенти Доналд Трамп томонидан ташкил этилган ифторлик бўлиб ўтди. Америка оммавий ахборот воситаларининг ёзишича, тадбирда бошқа президентлар каби жуда кўп ҳам одам қатнашмади. Унинг иштирокчилари бир неча мусулмон мамлакатларининг дипломатик идоралари раҳбарлари бўлди.

Расулуллоҳ соллаллоҳу алайҳи васаллам «Рўза тутинг – саломат бўласиз» деганлар. Эй инсонлар! Қодир таоло Ўзининг муқаддас Каломи Қуръони Каримда биздан аввалгиларга фарз қилингани каби, бизларга ҳам рўза тутиш фарз қилингани ҳақда марҳамат қилади. Шундай экан, муборак Рамазон ойида тақво хислатини намоён қилиб, ўзимизни Аллоҳ таолога холис ва тўлиқ топшириб, рўза тутайлик! Аллоҳ таолодан тақво қилайлик, У Зотга тавба қилайлик, энди шайтоннинг йўлига зинҳор юрмасликка азму қарор қилайлик, У Зотдан ёрдам сўрайлик – шояд Роббимиз бизни Ўзининг анбиёлари кўрсатган табаррук маърифат йўлига ҳидоят қилса…

Рўза тутаётган одам ғазабланса ёки асабийлашса, унинг танаси кўп миқдорда адреналин ишлаб чиқаради. Ҳиссиётлар жунбушга келган вақтда унинг даражаси меъёрдагидан 20-30 баробарга ошиб кетиши ҳам мумкин. Агар бу ҳолат куннинг аввалида рўй берса, яъни овқат ҳазм қилиш вақтига тўғри келиб қолса, нормал овқат ҳазм қилиш жараёни бузилади ва тананинг бошқа аъзолари фаолияти ҳам ишдан чиқади.

Ҳар йили Рамазонга бир икки ҳафта қолганида мен ўзимча муқаддас ойда нима қилишим кераклиги ҳақида режалар туза бошлайман. Ҳар йилги Рамазонда Аллоҳ таоло билан қандайдир янги муносабатлар бошланишига умид қиламан. Ўзимча яхши мусулмон бўлишга ва айнан ўша Рамазонда ўзимининг ёмон одатларим устидан ғолиб бўлишга ваъдалар бераман. Бироқ шу вақтгача ваъдаларим биттаси ҳам амалга ошмади. (((

Рамазон – мусулмонлар учун муборак ой. Қалбни, танани ва онгни поклаш вақти. Дунёда 1,8 миллиардга яқин мусулмон бўлиб, бу одамларнинг барчаси Ислом динини ўз дини деб аташини аннглатади. Лекин бу одамларнинг барчаси диний ибодатларга тўлиқ риоя қилаётганлигини англатадими? Йўқ.

Эсингизда бўлса, «Араб баҳори» даставвал демократия борасида, Яқин Шарқдаги энг яхши тартибот ва ҳатто гуллаб-яшнаш борасида ҳаяжонга соладиган умидларга тўла эди. Бироқ нимадир издан чиқди ва ушбу минтақадаги ҳозирги сиёсий муҳит жуда ҳам аянчли ҳолга келиб қолди. «Араб қиши» ибораси пайдо бўлиб, баҳордан кейинги араб дунёсининг ҳалокатли муҳити шароитларда ўзини оқлайдиган бўлиб кўринади.

Яманда очарчиликдан азоб чекаётганларга ёрдам бериш учун талаб қилинган миқдордаги пулнинг атиги 14 фоизи тўпланди. Яна 4,2 миллиард доллар етмаяпти. Бу ҳақида БМТ рамсий вакилининг муовини Фархон маълум қилди. Унинг сўзларига қараганда, бугунги кунда озиқ-овқат, сув ва тиббий ёрдам етишмаслигидан Яманнинг 20 миллионга яқин аҳолиси азият чекмоқда. Яна 10 миллион яманлик очлик ёқасида турибди.