Декабр ойидан бери Европа эмбаргоси остида бўлган Россия нефт бозори 2023 йилни нархларнинг янги қулаши билан кутиб олди.
Россия нефт компанияларининг асосий бренди ҳисобланган, экспортнинг деярли учдан икки қисмини ташкил этувчи Urals нефтининг нархи 6 январь, жума куни бир баррел учун 40 доллардан пастга тушди.
Болтиқ денгизидаги Приморск портидан жўнатилган юклар бир баррел учун 38,7 долларга тушди, бу 2020 йил баҳоридан бери рекорд даражада пастдир, дея хабар беради Bloomberg «Argus» агентлиги маълумотларига таяниб.
Йил бошидан бери Urals нархи тахминан 10% га тушди. Унинг жорий котировкалари аллақачон Brent дан икки баравар паст (шу санада 78,57 доллар) ва G7 мамлакатлари бир баррел учун 60 доллар қилиб белгилаган нарх чегарасидан учдан бир баравар паст.
Urals нархлари ноябрь ойида Ғарб нефтга қарши санкцияларнинг янги қисмини тайёрлаётгани маълум бўлганидан кейин пастга туша бошлади. Ўшандан бери Россия нефти деярли икки баравар арзонлашган, Brent эса атиги 18 фоизга тушган.
Россияда нефт сотиб оладиган ўнлаб мамлакатлардан 2023 йил бошига қадар фақат бир нечта мижозлар қолган. Европада Россия нефтини эмбарго шароитида "енгиллик" олган Болгария импорт қилишда давом этмоқда. Туркия, расман санкцияларга қўшилмаган бўлса-да, декабрь ойида мамлакатнинг энг йирик нефтни қайта ишлаш заводи STAR иккинчи даражали санкциялардан қўрқиб, Россиядан харидларни тўхтатганидан сўнг импортни 86 фоизга қисқартирди.
Россия нефтининг йирик харидорлари лоираси Ҳиндистон ва Хитой билан чекланган. Лекин улар Европа талабини қоплаш учун етарли эмас. Декабрь ойида Россия нефт экспортининг 20 фоизини йўқотди. Санкцияларнинг биринчи ҳафтасида экспорт деярли икки баравар камайиб, кунига 1,6 млн баррелга етди, ой охирига келиб эса кунига 2,6 млн баррелгача тикланди, бироқ санкциялардан олдинги даражага қайтмади.
Urals нефтининг бир баррелига 40 доллар атрофидаги нархи Россия бюджети учун "ҳақиқий фалокат" бўлади, дейди Центроcредит Банк иқтисодчиси Евгений Суворов пессимистик руҳда. Молия вазирлиги Ғазначилик лойиҳасига нефтни 70 долларга баҳолаган, барча даромадлар харажатларни қоплаши учун эса бир баррел нефт нархи 100 доллардан қимматроқ бўлиши керак, деб ҳисоблайди Алфа-Банк.
Декабр ойида Urals нефтининг ўртача нархи, Молия вазирлиги маълумотларига кўра, бир баррел учун 50,5 долларни ташкил этди. Ва агар бу янги ҳақиқат бўлса, унда бюджетга 2 трлн рублдан ортиқ маблағ кам тушади, деб ҳисоблайди Суворов. Нархлар 40 долларга яқин бўлганлиги сабабли, ҳукумат бюджет консолидациясини амалга ошириши керак, унинг фикрича: харажатлар - тахминан 30 трлн рубл - секвестрдан ўтишига тўғри келади.
Рубл курсининг заифлашиши қисман бюджет йўқотишларини қоплаши мумкин, аммо қўшимча стресс мавжуд - 5 февралдан нефтдан кейин нефт маҳсулотлари ҳам Европа эмбаргоси остида қолади. Уларни Осиёга йўналтириш анча қийин бўлади, ҳатто чегирмалар билан ҳам, деб огоҳлантиради Алфа-Банк бош иқтисодчиси Наталья Орлова.