Польша «иқтисодиётини дерусификация қилиш» энг аввало, Россия энергетика ресурслари— нефти ва газидан воз кечишдан иборат. Бу ҳақида Польшанинг tvn24 нашри ёзмоқда.
«Бу йилнинг ўзидаёқ биз газ мустақиллиги учун реал макон яратдик. Балтика газопроводи, Свиноуйскдаги газопровод. Бир йил, икки йил, уч йилдан кейин Путиндан мустақил бўламиз, ана шунда газ нархи тушиб кетади. Бироқ биз Путин томонидан шантажни қабул қилмаслигимиз керак», — деди Моравецкий 18 март, жума куни бўлиб ўтган матбуот анжманида.
У шунингдек, Gaz-System компаниясини рекапитализация қилиш учун 3 миллион злотих ажратилиши ҳақида эълон қилди.
«Бу навбатдаги турбулентлик. Биз тегишли чоралар кўрмоқчимиз ва қарорлар қабул қилмоқчимиз. Биз турбулентликдан ҳозиргидан кучлироқ чиқмоқчимиз», — қўшимча қилди Моравецкий.
Польша хўжаликларининг қарийб ярми сотиб олаётган Россия кўмирига эмбарго ҳақидаги саволга жавоб берар экан, Бош вазир Польша Россия хом ашёсидан, хусусан кўмирдан мутлақо мустақил бўлиши керак, деб жавоб берди.
"Биз Жанубий Африка, Австралия, Колумбия ва АҚШ каби бошқа мамлакатларда буюртма ва харидларни амалга оширмоқдамиз, улар бизни шантаж қилмайди»- қўшимча қилди у .
16 март куни Украина энергетика тизими расман Европа тизими билан бирлашишни якунлади ва ENTSO-E нинг бир қисмига айланди. Мамлакат энди Россия ва Белоруссиядан электр энергияси олмайди ва бермайди.