Gazeta.ua Россия Федерацияси билан ҳамкорликни тўхтатган ёки буни қилишни режалаштирган компаниялар рўйхатини тузди.

Автомобиллар

Жаҳонга машҳур автокомпаниялар – Audi, Volkswagen, Jaguar Land Rover, BMW, Mercedes-Benz, Citroen, General Motors. Skoda ва Porsche Россияга маҳсулот етказиб беришдан бош тортмоқда. Таниқли автомобил ишлаб чиқарувчилар Россиянинг Украинага бостириб кирганлиги туфайли Россия Федерациясига автомобиллар юборишни тўхтатди. Бу ҳақида Россиянинг бир қатор оммавий ахборот воситалари, шу жумладан «Коммерсант» ва «Ведомости» дилерларга юборилган хатларга таяниб хабар беришди.
"Британия Land Rover (Ҳиндистон Tata Motors эгалик қилади) ҳам маҳсулот юборишни якунлади ва фақат 24 февраль куни йўлда бўлган автомобилларгина Россия бозорига етиб боради"- дейилади журналистлар ҳавола қилган ҳисоботда.
Фақат Россия божхонасидан ўтган ва омбордан жўнатишга тайёргарлик кўраётган машиналар дилерлик марказларига етиб боради. Бундай ҳолат қанча давом этиши ҳали маълум эмас.
"Хорижий автомобиллар мамлакатимизга енгил автомобилларини жўнатишни бирма-бир тўхтатмоқда. Нафақат автомобил ишлаб чиқарувчилар: Япониянинг «беушка» етказиб берувчилари ҳам россиялик шериклар билан ҳамкорликни тўхтатдилар.
Бошланди шекилли. Бир неча кун олдин даргумон туюлган нарса тезда амалга оширилмоқда. Махсус ҳарбий операция бошланганидан кейинги кун, бир қатор импортчилар маҳаллий дилерларга янги автомобилларни етказиб бериш тўхтатилишини эълон қилишди. "Салом, УАЗ?"- деб ёзди "Авто-взгляд" муаллифи Кристина Извекова. Журналистнинг мақоласи "Етиб келдик" деб номланди.

Компьютер техникаси

Россия Федерацияси билан ҳамкорлик Американинг Intel ускуналари ишлаб чиқарувчиси томонидан ҳам тўхтатилди. Улар компаниянинг Россиядаги саҳифасини блоклаб қўйишди.
Шунингдек, оммавий ахборот воситаларида Dell ва Lenovo каби компаниялар Россия Федерацияси билан ҳамкорликни тўхтатиш тўғрисида хабарлар пайдо бўлди, аммо уларнинг Россиядаги саҳифалари ҳали ҳам фаол.

Халқаро иш қидириш платформаси

Халқаро иш қидириш платформаси Jooble.org нафақат рус саҳифасини тўсиб қўйди, балки ҳамкорликни тўхтатиш сабабларини тушунтириб берадиган хабар ҳам қўшди. Хабарда айтилишича, ҳозирда Россия Федерацияси Украинада ҳарбий амалиётлар ўтказиб жиноят содир этмоқда.