«Ёввойи Арман» номи билан машҳур бўлган Арман Жумагелдиевнинг адвокатлари айтишича, уларнинг мижози Алматидаги тергов изоляторидан номаълум йўналишда олиб кетилган, деб  хабар қилади Sputnik Казахстан.

 Тарихдан маълумки, 1917 йил 28 ноябридан (11 декабрь) 1918 йил 9 февралига (22 февраль) қадар, атиги 72 кунгина мавжуд бўлган Туркистон мухторияти парламент аъзолари большевикларни тан олишдан бош тортганидан сўнг 1918 йил февраль ойида Фарғона водийсида амалга оширилган қўрқитиш, яъни тинч аҳолига нисбатан террор тадбирини оммавий қатлиом шаклида ўтказиш чоғида арман террорчиларининг «Дашнакцутюн» партиясидаги қуролланган талончи ва қотиллар тўдалари ҳам жалб этилди.

АҚШ президенти Жо Байден Биринчи жаҳон уруши даврида Усмонйлар салтанати томонидан қилинган «арманлар геноциди»ни расман тан олиши кутилмоқда, деб хабар қилди чоршанба куни ОАВ. Бу Туркияни дарғазаб қилиш эҳтимоли бор, бу эса НАТО бўйича иттифоқчилар ўртасидаги муносабатларни янада кескинлаштиришга олиб келиши мумкин.

National Geographic ўзининг Instagram саҳифасида арманлар босқини натижасида вайронага айланган Озарбайжоннинг Ағдам шаҳри фотосуратларини жойлади. «Аҳолиси бир пайтлар 40 минг кишидан иборат бўлган, яқиндагина озод қилинган Озарбайжоннинг Ағдам шаҳри қарийб ўттиз йиллик арманлар босқинидан сўнг вайрона ҳолатида турибди. Фақат асосий масжид бутун қолди, ва бошқа бинолар 1993 йил шаҳар қўлдан бой берилган йилларда бузиб ташланган ёки вайрон қилинган», - дейилади хабарда.

Джастин Маккарти арманларнинг Усмонийлар давлати ҳудудидаги жиноятларига эътибор қаратди. 1915 йил арманларнинг геноцид қилингани ҳақида даъволар тарихий асосга эга эмас. Ушбу мазмунда тилга олинган барча баёнотлар архив далилларидан йироқ ва Анқарага қарши босимга қаратилган уйдирмадир.

Бу ҳақида Озарбайжон аскарлари томонидан суратга олинган ва ижтимоий тармоқларда тарқалган видео дарак беради. Арманлар Озарбайжоннинг босиб олинган Зангилан тумани масжидларида чўчқа боқишган экан. Бу ҳақида мамлакатнинг босиб олинган ҳудудларида Озарбайжон аскарлари томонидан суратга олинган кадрлар далолат беради.

Озарбайжон президенти Илҳом Алиев Зангилан шаҳри ҳамда Физули, Жабройил, Ҳўжавенд (собиқ Мартуни) ва Зангилан туманларида 24 та қишлоқ озод этилганини маълум қилди. Бу ҳақида Илҳом Алиев AzTV давлат телеканали орқали намойиш қилинган миллатга мурожаатида баёнот берди.

Россиянинг Gurkhan сайти арманларнинг узоқ йиллик қуроли – қалбакилаштиришдан фойдаланиб, жаҳон ҳамжамиятининг онгини моҳирона бошқараётгани ҳақида мақола чоп этди. Нашриёт арман диаспораси Россия ва Озарбайжон ўртасига раҳна солиш, рус халқини озар халқига қарши қилиб қўйиш мақсадида дин мавзусидан фаол фойдаланаётганини ёзади.

Ижтимоий тармоқларда Россиянинг кўп сонли халқи арман сиёсий диаспорасининг ахборот қуролига айланган федерал ОАВ сиёсатига қарши норозилиги ўсиб бормоқда. Day.Az сайти Gradator.Ru сайтига таяниб хабар беришича, ижтимоий тармоқлар контенти кўрсатишича, кўп сонли россияликлар барча каналлардан оқиб келаётган арман тарғиботи ва ташвиқотига қарши норозилик билдирмоқда.

Россия миллатчилари Россия Федерациясининг этник арман фуқаролари Россияни Арманистон ва жаҳон ҳамжамияти томонидан тан олинмаган Тоғли Қорабоғ Республикаси томонида можарога аралашувига чақирувчи баёнотларини номақбул, деб ҳисоблашади. Бу ҳақда жамоат арбоби, публицист ва рус миллатчилиги мафкурачиларидан бири Егор Холмогоров ўзининг Facebook саҳифасида ёзган.