Ўтган ҳафта эълон қилинган расмий маълумотлар шуни кўрсатдики, Европа Иттифоқига бошпана сўраб мурожаат қилган Саудия Арабистони фуқаролари сони 2019 йилнинг дастлабки олти ойида 106 фоизга ошган. Бошпаналар соҳасида қўллаб-қувватлаш Европа бюроси (EАСО) маълумотлари бўйича сўнгги маълумотларга кўра, жорий йилнинг биринчи ярмида 101 та саудиялик ЕИдан бошпана сўраб мурожаат қилган, бу ўтган йилнинг шу даврида 49 тани ташкил қилганди.

Саудиялик олим Абдулла ал-Мутлоқ кўп никоҳли эркаклар иккинчи хотини пайдо бўлгани ҳақида биринчи хотинини хабардор қилишга мажбур эмаслар, деб айтиб, жамиятда баҳс-мунозарларга сабабчи бўлди. Қирол судида маслаҳатчи бўлиб хизмат қиладиган илоҳиёт мутахассиси бу ҳақида давлат канали телеэфирида томошабинлардан бирининг саволига жавоб бераётган пайт айтди.

Саудиялик ёш муслима Microsoft Word дастурига компьютерсиз ўқитиш услубияти билан ижтимоий тармоқларда шов-шувга сабабчи бўлган Ганалик қашшоқ ўқитувчига ноутбук ҳадя қилди. Африкалик педагог Акото Овура Квадво чекка бир қишлоқда, ўқувичларга оддий доска ва бўр ёрдамида офис дастури билан ишлаш асосларини тушунтириб бераётган бир пайтда дарс пайтида суратга олинганди.

Туркия оммавий ахборот воситалари саудиялик мухолиф журналист Жамол Хашукджи ҳаётининг сўнгги дамлари ҳақидаги маълумотларни эълон қилди, деб ёзади «MK.ru».Туркиялик журналистлар саудиялик ҳамкасбларининг Истанбул шаҳридаги Саудия Арабистони бош консулхонасида шафқатсизларча ўлдирилганини таъкидламоқда. Улар дипломатик миссия биносидан ёзиб олинган аудиоёзувни ўрганишга муваффақ бўлди.

Саудия Арабистонининг Истанбулдаги бош консулхонасида турк полицияси саудиялик йўқолиб қолган журналист Жамол Хашукджи ўлдирилганини исботлайдиган қатор далиллар топди. NTV телеканалининг хабар қилишича, ўтган тунда турк мутахассислари консулхона ҳовлисидаги тупроқдан намуна олдилар, шунингдек, бино ичида қон изларини қидириш учун ультрафиолет нуридан фойдаландилар.