Янгиликлар (5422)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Буюк Британиянинг Бирмингем шаҳрида мактаб ўқувчиларининг ота-оналари таълим муассасасида жинсий тарбия борасида ахлоқсиз дарсларга қарши норозилик акцияси ўтказдилар. 300 дан ортиқ киши вояга етмаганлар орасида эркин севги ва гомосексуализмни тарғиб қилишга қарши норозилик маъносида Бирмингемда Паркфилд мактаби яқинида тўпланди. Қатнашчилар орасида ота-оналар ҳам, болалар ҳам бўлиб, уларниг аксариятини мусулмонлар ташкил қилади.
Келиб чиқиши суриялик бўлган уч нафар мусулмон қиз Германия пойтахти Берлинда ҳужумга учраши муҳожирларга қарши кайфиятнинг оқибати ҳисобланади. Немис ҳукуматининг маълум қилишича, жума куни 15 ва 16 ёшдаги икки нафар суриялик қочқин қиз шаҳарнинг шимолий-шарқий қисмида сайр қилиб юрганида ирқчилик ҳақоратлари билан уларни таҳқирлаган эркакка дуч келдилар.
Россия интернетида ҳукуматни ҳақорат қилганлик ва фейк хабарлар учун максимал жарима 20 бараварга оширилиши мумкин. ТАСС хабар беришича, мос келувчи қонунга тузатишлар Давлат думаси депутатлари гуруҳи томонидан таклиф қилинган. Оригинал қонун лойиҳасида уч мингдан беш минг рублгача жарима кўзда тутилганди.
Мисрда хавфли схема ривожланмоқда – донорлар органлари билан махфий савдо қилувчилар келгиндиларни фоҳишахоналарга жалб қилиб, бу ерда махсус тайёрланган фоҳишалар ёрдамида ўз буйрагини сотишга кўндирилмоқда. Бу жиноят схемасининг қурбонлари асосан Африка давлатларидан қочиб келган ноқонуний муҳожирлардир, улар Қоҳирага жуда кўп.
Саудиялик олим Абдулла ал-Мутлоқ кўп никоҳли эркаклар иккинчи хотини пайдо бўлгани ҳақида биринчи хотинини хабардор қилишга мажбур эмаслар, деб айтиб, жамиятда баҳс-мунозарларга сабабчи бўлди. Қирол судида маслаҳатчи бўлиб хизмат қиладиган илоҳиёт мутахассиси бу ҳақида давлат канали телеэфирида томошабинлардан бирининг саволига жавоб бераётган пайт айтди.
Истанбул полиция Бош бошқармаси 2018 йил фаолият якунлари бўйича маъруза чоп эттирди. Ҳужжатда, шунингдек, саудиялик журналист Жамол Хашукджининг ўлимини тергов қилиш бўйича маълумотлар ҳам келтирилган. Хусусан, ҳужжатда хабар қилинишича, Саудия Арабистонининг Истанбулдаги Бош консули қароргоҳи жойлашган ҳудудда тергов доирасида иккита қудуқ, шунингдек, тандир (печь) топилган бўлиб, унда ҳароратни минг даражагача етказиш мумкин, бу эса ҳаттоки ДНК изи қолдирмаган ҳолда танани ёқиб юборишга имкон беради.
Кашмирда 40 нафар полициячининг умрига зомин бўлган терактдан сўнг Ҳиндистон Бош вазири Нарендра Моди мамлакат хавфсизлик кучларига терроризмга қарши курашда «тўлиқ эркинлик» тақдим этилгани ҳақида эълон қилди. «Биз терроризм устидан ғолиб чиқамиз. Хавфсизлик кучларига тўлиқ ҳаракатлар эркинлиги тақдим этилади», - Ҳиндистон раҳбарининг сўзларида иқтибос келтиради Times of India газетаси.
Миср парламенти ҳозирги давлат раҳбари Абдулфаттоҳ ас-Сисининг президентлик ваколатларини давом эттириш эҳтимолини кўзда тутадиган қонун лойиҳасини биринчи ўқишда қўллаб-қувватлади. Яқин кунларда парламент қўмиталари ҳужжатни кўриб чиқиши лозим, шундан кейин қонун лойиҳаси иккинчи ва учинчи, якуний ўқишларда қабул қилиниши лозим.
Европа комиссияси Саудия Арабистони, Панама ва бошқа юрисдикцияларни пулни «ювиш» ва терроризмни молиялаштириш устидан назорат сустлиги туфайли ЕИ учун хавф уйғотиши мумкин бўлган мамлакатлар қора рўйхатига киритди, деб хабар берди чоршанба куни ЕИ вакили.
Лондон университети – Буюк Британияда ўзининг спорт ҳижобини ишлаб чиққан илк олий таълим муассасаси
Nike илк ҳижобли спорт кийимини тақдим этган вақтдан бошлаб бир йил ўтди, эндиликда Британия университети унинг изларида бормоқда. Лондондаги нуфузли Брунель университети талаба қизлар учун спорт ҳижобини ишлаб чиқишди ва институт раҳбариятининг таъкидлашича, бу уни Буюк Британияда мусулмон қизлар учун ўзининг спорт формасига эга бўлган илк университетга айлантиради.
Экстремизм ҳақида Россия қонуни диний фаолиятни қонун доирасидан четга чиқариб қўяди. Бу ҳақида БМТ Инсон ҳуқуқлари бўйича Олий комиисари Мишель Бачелет баёнот берди. Инсон ҳуқуқлари бўйича кенгашда «Иегова шоҳидлари» (РФ ҳудудида тақиқланган ташкилот) Орлов гуруҳ раҳбари Деннис Кристенсенга чиқарилган ҳукмга шу тариқа жавоб қйтарилди.
Ўтган ҳафта қабул қилинган Исломофобияга қарши қонунни сезмай қолгани учун канадаликларни ҳам, бутун дунё аҳолисини ҳам айблай олмаймиз. Агар “Google” қилсангиз, “дастёрингиз” сизга ҳеч қандай ҳаволани тақдим қила олмайди. Бу ҳақида энг биринчилардан бўлиб Huffington Post нашри хабар берди.
Арабистон диний манзараси Яқин Шарқ минтақасида энг тараққий этган мамлакат ҳисобланадиган БАА раҳбариятининг сўнгги ташаббуслари туфайли жиддий ўзгаришларга учраши мумкин. Яқинда Амирликларга католиклар черкови раҳбари Папа Франциск ташриф буюрганди. Унинг ташрифи, жумладан, понтифик томонидан Абу-Дабида ўтказилган оммавий ибодат пастирча жўшқинликка тўла бўлди.