Янгиликлар (5422)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Фаластинни қўллаб-қувватлаш учун акция 3 июнда, душанба куни, Москванинг Сокольники паркида халқаро ал-Қудус куни муносабати билан бўлиб ўтади, деб хабар қилди ташкилий қўмитада. Ташкилотчилар сифатида ҳукумат билан келишувга кўра, миллий диаспоралар иштирок этади.
Татаристоннинг ахлоқ тузатиш колонияларида жазога ҳукм қилинган мусулмонлар учун Рамазон ойида ифторликлар ўтказилди. Бу ҳақида "Татар-Информ" ҳақида Россия УФСИН Татаристон бўйича матбуот хизмати хабар берди. "Бугунги кунда минтақадаги ахлоқ тузатиш муассасаларида мусулмонлар учун 7 та масжид ва 5 та ибодат хонаси мавжуд. Мусулмонлар жамоати 500 кишини ташкил қилади. Анъанага кўра, улар учун асосий мусулмон байрамлари, никоҳ маросимлари ташкил этилади",-дея хабар беради агентлик матбуот хизмати.
Саудия Арабистони қироли пайшанба куни шошилинч тарзда чақирилган араб мамлакатлари саммитида минтақада Форс кўрфазидаги нефт активларга ҳужумлардан сўнг Эрон эскалациясини тўхтатиш учун кескин ҳаракатлар қилиш зарурлиги ҳақида маълум қилди.
Европа парламентига сайловлар якун топди. Гарчи расмий овозлар ҳисоб-китоби ҳали давом этаётган бўлсада, умумий сурат маълум ва тушунарли бўлиб, улар ҳақида дастлабки хулосалар чиқаришга имкон беради. Сайловларнинг асосий натижаси шундан иборатки, исламофобиядан фаол фойдаланган ҳолда Европа Иттифоқига барҳам бериш учун ўз ҳаракатларини ошкора бирлаштирган кучлар коалициясининг Европарламентга ҳужуми омадсиз якунланди.
Тожикистонда масжид имомлари закот ал-фитрни (одатда муқаддас Рамазон ойи давомида ёки Ийд ал-Фитр байрами кунидан олдин муҳтожларга бериладиган садақа) махсус давлат комиссиялари тўплашини эълон қилдилар. Бу комиссиялар таркибига қишлоқлар ва кўча раислари, имомлар, маҳаллий маъмурият ва Дин ишлари бўйича қўмита ходимлари киради. Бунда, агар фуқаролардан кимдир ўз фитрини бошқа кишига тўлаб кўйган бўлса, у комиссияга такроран яна тўлашга мажбур бўлади.
Муқаддас Рамазон ойида Чеченистонда маҳбуслар орасида энг яхши қорилар анъанавий кўриги бўлиб ўтди. Ушбу тадбир Аргун шаҳридаги УФСИН раҳбарияти ва Чеченистон Республикаси мусулмонлар диний бошқармаси томонидан ташкиллаштирилди.
Маҳбусларнинг билимлари жюри томонидан баҳоланиб, унинг таркибидан Чеченистон Республикаси Ҳукумати ва Маъмурият бошлиғининг диний ва жамоат ташкилотлари билан алоқалар бўйича департаменти вакиллари, шунингдек, УФСИН вакиллари ўрин олди.
БААда барча ходимлар Рамазон ойи вақтида иш вақтидан ташқари вақтда бажарган ишлар учун қўшимча ҳақ олиш ҳуқуқига эга, деб хабар беради Инсон ресурлари ва амирлаштириш вазирлиги. Рамазон вақтида хусусий корхоналар, муассаса ва компанияларда иш вақти икки соатга қисқартирилади. Давлат сектори ташкилотлари ходимлари муқаддас ой давомида кунига беш соатдан ишлаяпти.
Америка санкциялари таҳдиди остида Хитой ҳукумати Эрон нефтини харид қилишни тўхтатди, деб ёзади Wall Street Journal Эрон нефт секторидаги манбаларга ҳавола қилган ҳолда. Газета ҳамсуҳбатларининг сўзларига кўра, шу тариқа Пекин Ҳиндистон, Япония, Жанубий Корея, Туркия, Италия ва Тайван каби қатор мамлакатлар мисолидан ўрнак олишга қарор қилди – бу давлатлар Эронан тўғридан-тўғри нефт харид қилишни тўхтатди.
Афғонистоннинг «Толибон» ҳаракати анжуманда иштирок этиш учун Россия пойтахтига такроран ташриф буюрди. Делегация таркибига 14 киши киради, уларга «Толибон» ҳаракати етакчисининг сиёсий масалалар бўйича муовини мулла Барадар Ахунд бошчилик қилади.
Рамазон кунлари Facebook компанияси YouTube видеохостинги ва ижтимоий тармоқ сайтларида Яқин Шарқлик фойдаланувчилар томонидан ўтказилаётган вақтнинг жиддий ўсганлигини қайд этди ва бу борада ўзининг хурсандлигини яширмаяпти. Хусусан, рўза пайтида Яқин Шарқлик фойдаланувчилар кўрсатилган сайтларда умумий ҳисобда одатдагидан 58 миллион соат кўпроқ вақт ўтказмоқда, деб хабар беради Associated Press агентлиги Facebook минтақавий офиси директори Рамез Шехадийга ҳавола қилган ҳолда.
Буюк Британияда ҳижобли мусулмон аёл биринчи марта мэр лавозимига сайланди. Сомалида туғилиб ўсган Ракхия Исмоил шу ой аввалроқ бўлиб ўтган сайлов натижалари бўйича шаҳар кенгашининг бўлиб ўтган мажлисида Ислингтон мэри лавозимига тайинланди, деб хабар беради islamnews сайти islington media га ҳавола қилган ҳолда.
Хитойнинг «Юйту-2» луноходи томонидан Ойнинг тескари тарафидаги кратерда темирга бой минераллар топилди, деб ёзади Nature. Бу минераллар (пироксенлар ва оливинлар), тахмин қилинишича, Ернинг йўлдоши юза қатлами учун мос эмас, балки Ой мантиясининг таркибий қисмлари ҳисобланади. Моддалар Ойнинг тескари тарафини тадқиқ этаётган «Чанъэ-4» миссияси доирасида топилган.
Ливия мамлакатни бўлиб ташлашга олиб келиши мумкин бўлган фуқаролик уруши ёқасида турибди. Бу ҳақида Ливия бўйича Хавфсизлик кенгаши мажлисида сўзга чиққан БМТнинг Ливиядаги махсус элчиси Ҳасан Салам. Унинг сўзларига қараганда, генерал Халифа Хафтар қўшинларининг Триполига ҳужуми кўп сонли қурбонлар ва вайронагарликларга олиб келди.