Янгиликлар (5422)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Саудия Арабистонида ОАВ қироллик ҳудудида спиртли ичимликлар рухсат этилиши ҳақида хабарларни рад қилди. Аввалроқ турли нашрларда Саудия Арабистони ҳудудида спиртли ичимликларга тақиқнинг олиб ташланиши кўзда тутилаётгани ҳақида хабарлар пайдо бўлди.
Миср давлат телевидениесининг хабар беришича, 67 ёшлик Мурсий "жосуслик" иши бўйича суд қилинаётган суд залида вафот қилган. Мурсий шунингдек, ХАМАС ва Ливаннинг Ҳизбуллоҳ гуруҳи билан алоқаларда ҳам ҳарбий хунта тарафидан айбланаётганди.
Австралиялик Брентон Таррант, судда адвокат орқали унга Янги Зеландиянинг Крайстчерч шаҳридаги масжидларда отишма билан боғлиқ барча моддалар учун ўзини "айбдор эмас", деб айтган. 28 ёшли Таррант 51 эпизодда қасддан одам ўлдириш, 40 суиқасд ва террорчилик ҳаракатида айбланади, дея хабар беради The Guardian.
Доғистоннинг «Черновик» газетаси «Дин» бўлими муҳаррири, машҳур журналист Абдулмумин Гаджиевдан экстремизмни молиялаштиришдаги айбловни олиб ташлаш ва «одамлар тақдирини синдирадиган жиноят ишлари ўйлаб топадиган» шахсларни жавобгарликка тортишни талаб қилиб чиқди. Бу ҳақида нашр сайтида айтилади.
Макка шаҳридаги машҳур соатли минорада 4 қаватли астрономия музейи очилди. Музейда сайёҳлар галактикалар моделлари ва астрономия мавзусидаги экспонатларни томоша қилиши мумкин, музей 600 метр баландликда жойлашган бўлиб, томоша қилиш майдончасидан Каъбани ва зиёратчилар гуруҳларини юқоридан томоша қилиш мумкин.
Мисрдаги ҳозирги маъмурият томонидан давлат молиясини сурункали самарасиз бошқариб келиш шунга олиб келдики, сўнгги беш йил ичида ташқи қарз беш баробар кўпайган ва давлат қарзлари икки баробардан зиёдроқ ўсган. Бу ҳақида Foreign Policy да чоп этилган мақоласида собиқ инвестиция вазири Яҳё Ҳамид ёзади.
Бутун Рамазон ойини ҳижобда ўтказган малайзиялик рэп ижрочиси бўлган аёл "Ҳижоб 30" кампаниясида иштирок этиб, ўзини художўй мусулмон аёл сифатида синаб кўрди. Рамазон ойида қўшиқчи Зизи Кирана очиқ-сочиқ образини камтар мусулмон образига ўзгартирди ва рўмол ўраган ҳолдаги фотосуратларини обуначилари билан ўртоқлашди.
Саудия Арабистони валиаҳд шаҳзодасининг туғишган синглиси келаси ой ишчини калтаклашда иштирок этганликда айбланиб, суд олдида жавоб бериши лозим. Малика Хасса бинт Салман, кутилмокдаки, Парижда 9 июль куни суд мажлисида иштирок этмайди, чунки унинг номига ҳибсга олиш ҳақида ордер чиқарилган, аёл эса қамоққа тушишни истамайди, албатта, хабар беради Sky News.
Сешанда куни БМТ апрелдан бошлаб янада кучайган Суриянинг шимолий-шарқий кисмидаги уруш ҳаракатлари туфайли 300 мингдан ортиқ фуқаро Туркия чегарасига яқин бўлган лагерларда бошпана топишга мажбур бўлди. Баёнот бунинг натижасида 20 дан ортиқ тинч аҳоли режим ҳужуми оқибатида ҳалок бўлиши натиасида Идлиб шаҳрида ҳалок бўлганларнинг сони ортиб бораётган бир шароитда қилинди.
Қримда ўғил болалар учун «40 кун давомида масжидга ташриф буюр ва совғага велосипед соҳиби бўл!» махсус акцияси ўтказилмоқда. У Қрим Мусулмонлар диний бошқармаси кўмагида махсус лойиҳа доирасида ташкиллаштирилди, хабар беради qmdi. org.
Швецияда апелляция суди теракт тайёрлашда айбланаётган Ўзбекистон ва Қирғизистон фуқароларини оқлади. Бу ҳақида 12 июн куни Expressen нашри маълум қилди. Аввалроқ Ўзбекистон фуқароси Давид Идриссон (Фарход Тошмухаммедов) етти йил муддатга, унинг ватандоши Бахтиёр Умаров олти ой, Қирғизистон фуқароси Отабек Абдуллаев – бир ойга озодлик маҳрум этилганди. Исми ошкор қилинмаган яна икки киши тўрт ой ва олти ой қамоқ жазосини олган, бир киши эса оқланганди.
Буюк Британияда май ойининг охиридан Тереза Мэйнинг истеъфо берганлиги сабабли бош вазир лавозими учун кампания бошланди. Британия парламент Мэй истеъфога кетмагунга қадар бир неча марта Европа Иттифоқидан чиқиш бўйича битимга овоз бера олмади. Мамлакатга бу масалани ҳал қилиш учун 31 октябргача муддат берилди.
Макка ҳукумати томонидан Ийд ал-Фитр байрами муносабати билан ташкил қилинган «хип-хоп» услубидаги рақслар тақдимоти шу тариқа ҳукумат байрамни ҳам, шаҳарни ҳам таҳқирлади деб ҳисоблайдиган кўплаб саудияликларнинг адолатли норозиликларига сабабчи бўлди.