Янгиликлар (5422)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Ўзбекистон 1991 йил қабул қилинган, сўнгги ўзгаришлар эса 1998 йил киритилган «Виждон эркинлиги ва диний ташкилотлар тўғрисида» қонунни халқаро экспертлар кўмагида қайта кўриб чиқади. Бу ҳақида якшанба куни мамлакат ТИВ матбуот хизмати хабар берди.
Нидерландия Олий суди чиқарган қарорга кўра мамлакат 1995 йилнинг июлида Сребреницада 300 дан ортиқ мусулмоннинг ўлими учун қисман жавобгар, лекин Голландия бюджетидан қурбонларнинг оилаларига тўланиши лозим бўлган зиён миқдори пасайтириб кўрсатилди.
Британиянинг Daily Mail газетаси 45 яшар малика Хайанинг эри – Дубай ҳукмдори шайх Муҳаммад ибн Рашид Ал-Мактумдан қочиб кетиши тафсилотларини очиб берди. Айтиб берилган ҳикоя араб монархияларида ҳукмронлик қиладиган расм-русумлар ҳақида тасаввурга эга бўлиш имконини беради.
Бугун 22 июль душанба куни пойтахтимиз Тошкентда хайрли ишларнинг яна бир гўзал намунасига гувоҳ бўлдик. Ушбу кун Юнусобод тумани 12 даҳадаги «Кулол Қўрғон» жомеъ масжидининг илк ғиштини қўйиш маросими бўлиб ўтди.
Омскда темир йўл бригадаси ҳарбий қисми ҳудудида мусулмон ҳарбий хизматчилар учун ибодатхона очилди. Бир йил олдин шу ернинг ўзида православ часовня очилганди. Бу ҳақида ИА Омск-Регион хабар беради. Темир йўл бригадаси командири полковник Сергей Шишкиннинг таъкидлашича, қисмдаги ҳарбий хизматчиларнинг 30%дан ортиғи – мусулмонлар бўлиб, православ ибодатхонаси билан бир қаторда масжид очилиши «Россия халқлари биродарлиги ҳақида гапиради».
20 йил давомида Ингушетия қозилигини бошқарган Абдурахман Мартазанов республика муфтийи лавозимини эгаллади. Бу ҳақида "Интерфакс-Юг" агентлиги хабар беради. Очиқ овоз бериш давомида республика аҳоли пунктлари имомлари ва олимлар Кенгаши аъзолари деярли бир овоздан Мартазановни минтақа Мусулмонлар диний бошқармаси раиси этиб сайладилар. Бу лавозимда у Иса Хамхоевнинг ўрнини эгаллади.
Германияда масжидларга уюштирилаётган ҳужумлар серияси давом этмоқда – бу сафар номаълум вандаллар мамлакат ғарби Мюнстердаги мусулмонлар ибодатхонасини ифлос қилди. Ҳужум қилган шахлар диний ишлар бўйича турк-ислом иттифоқи (DITIB) бошқаруви остида бўлган Барбарос масжидида Қуръон саҳифаларини йиртиб ташлади.
Дунё бўйича 820 млн киши очликдан азоб чекмоқда ва бу рақам йил сайин ўсмоқда. БМТ озиқ-овқат ва қишлоқ хўжалиги ташкилоти, ЖССТ ва бошқа ташкилотларнинг қўшма маърузасига кўра, очлик даражаси Африка мамлакатларида ортмоқда – бу ерда ушбу кўрсаткич қарийб 20%га етган, Латин Америкаси ва Кариб минтақасида 7%, Осиёда 12%ни ташкил қилади.
АҚШ президенти Доналд Трамп чоршанба куни бутун дунёдан диний таъқиб қурбонлари, жумладан, уйғур аёл ва Хитойдан яна 2-3 киши билан учрашди. Оқ уйнинг Овал кабинетида 17 мамлакатдан 27 киши тўпланди, Трампнинг ўзи эса президентлик қилиб келаётган вақт давомида биринчи марта уйғурлар жамоати вакиллари блан учрашди ва Хитойда мусулмонлар таъқиб қилишини бўйича изоҳлар берди.
Ўтган жума куни Ўзбекистоннинг барча масжидларида жониворларни ҳимоя қилишга бағишланган хутбалар бўлиб ўтди. Имомлар хўроз уриштириш ва ит уриштиришга исломда салбий муносабат билдирилишига алоҳида эътибор қаратиб ўтдилар. Хутбалар матни Ўзбекистон мусулмонлар Бошқармаси томонидан Mehr va Oqibat жониворларни ҳимоя қилиш жамияти ташаббуси билан тайёрланди ва барча масжидларга жўнатилди.
Америкалик конгрессмен-мусулмон аёл Илхон Умар уни ирқчилик руҳидаги ҳақоратларга кўмиб ташлаган ва шахсиятига ўта бошлаган АҚШ президенти Дональд Трампнинг таъна-маломатлари хавотирга солмаслигини маълум қилди. Илхон Миннесота штатида илиқ қабул қилинди, сайловчилар уни Трампнинг исламофоб риторикаси қаршисида қўллаб-қувватладилар, хабар қилади Al Jazeera.
Афинада биринчи расмий масжиднинг тантанали очилиши Грециянинг олдинги ҳукумати сайлов олди пиар-акцияси бўлиб чиқди. Ekathimerini нашрига маълум бўлишича, масжид камида йил охиригача фойдаланишга топширилмайди. Греция диний ишлар бўйича вазирлиги масжид биносини ҳалигача мулк қилиб қабул қилиб олмади, тантанали очилиш маросими 7 июнда бўлиб ўтганига қарамай, муассаса белгиланган мақсадда фаолият кўрсатмайди.
Хитой ҳукуматининг уйғур мусулмонлар озчилигига бўлган муносабати – «аср шармандалиги» - деди АҚШ давлат котиби Майк Помпео. АҚШ томонидан ташкил қилинган диний эркинликка кўмаклашиш масалалари бўйича вазирликлар анжуманида Помпео Пекинни туркий тилда сўзлашадиган мусулмон аҳоли ҳуқуқларини бузишда ва бошқа мамлакатларга ушбу анжуманга ташриф буюрмаслиги учун босим кўрсатганликда айблади.