Янгиликлар (5422)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Европа мамлакатларида ультра-ўнглар оммавийлиги ўсиб бораётган шароитларда исламофобия негизидаги жиноятлар сони ўсмоқда. Бу ҳақида Туркия сиёсий, иқтисодий ва ижтимоий тадқиқотлар Фондининг (SETA) Европа мамлакатларида ксенофобиянинг ўсишига бевосита ёки билвосита хизмат қилган жараёнлар ва омиллар таҳлилига асосланган «2018 йил Европада исламофобия соҳасидаги вазият» мавзусидаги маърузасида гапирилади.
Туркия президенти Ражаб Тойиб Эрдўған Анқаранинг Эрондан газ ва нефт сотиб олиш масаласида АҚШ санкцияларига бўйсунишдан бош тортиши ҳақида маълум қилди, дея хабар беради Milliyet. Давлат раҳбарининг таъкидлашича, Туркия Вашингтон томонидан чеклов чораларига қарамасдан, Эрондан энергетика ресурслари харид қилишни давом эттирди.
Москва ҳукуматида Россия муфтийлар Кенгаши раиси Равил Айнутдиннинг пойтахтдаги мусулмонлари сони ҳақидаги баёноти кулгили деб топилди. Шу кунларда «Известия»га берган интервьюда муфтий шаҳарда тахминан 3-4 млн киши – доимий ва вақтинчалик аҳоли – ислом динига эътиқод қилишини айтди ва бунда мэрия амалдорларидан ошкора бўлмаган равишда олинган маълумотларга таянди.
Наманганда овқатдан оммавий заҳарланиш рўй берди. Бу ҳақида UPL мухибир хабар берди. 50 киши заҳарланиш аломатлари билан касалхонага ётқизилди. Касалхонага ётқизилган ҳамма Чуст туманидаги тўй меҳмонлари бўлган.
Ўзбекистон ТИВ раҳбари БМТ Хавфсизлик Кенгаши йиғилишида иштирок этди. Йиғилиш давомида Абдулазиз Комилов Марказий Осиёдаги хавфсизлик ҳақида гапирди. Вазирнинг сўзларига кўра, ҳозирги пайтда Марказий Осиё ўз хавфсизлигини таъминлаш учун етарли салоҳият ва воситаларга эга. Бундан ташқари, Комилов охирги йилларда минтақада кўплаб муаммолар ҳал этилганлигини айтди.
24 сентябрь куни Ерга йирик астероид яқинлашди. Бу ҳақида Ер учун потенциал хавфли астероидларни кузатиб борадиган NASA ер атрофидаги объектларни тадқиқ этиш Маркази (CNEOS) хабар қилди. 523934 (1998 FF14) номини олган астероид диаметри 190 метрдан 430 метргачани ташкил қилади. Шундай қилиб, ҳажми бўйича у уч дона Хеопс пирамидасига тенг бўлган бўларди. Пирамиданинг асосидаги узунлиги 230 м, ҳозирги кундаги баландлиги эса сал кам 139 м ҳисобланади.
Миср ТИВ Туркия президенти Тойиб Эрдўғанни ёлғончиликда айблади ва жаҳонт ҳамжамиятини уни терроризмни қўллаб-қувватлаганлик учун жавобгарликка тортишга чақирди. Бу ҳақида ТИВ расмий вакили Ахмед Хафиз баёнот берди.
АҚШ собиқ давлат котиби ва президентликка собиқ номзод Хиллари Клинтон амалдаги давлат раҳбари Дональд Трампни хоинликда айблади. Бу ҳақида Клинтон 25 сентябрь куни Twitter да ёзди. «АҚШ президенти мамлакатга хиёнат қилди. Бу сиёсий баёнот эмас, бу – жиддий воқеликдир, биз ҳаракат қилишимиз керак. У – бизни эркин ва кучлироқ қиладиган қадриятларга реал мавжуд ва кўзга яққол ташланадиган таҳдиддир», - дейилади твитда.
Ўзбекистонда 1 октябрдан бошлаб бир қатор ўзгаришлар кучга киради. Қуйида уларнинг рўйхати келтириб ўтилади:
Андижон вилояти ҳокими Шуҳрат Абдураҳмонов Мустақиллик куни муносабати билан «Меҳнат шуҳрати» ордени билан тақдирланди. Орден билан бирга ҳоким пул мукофоти ҳам олди. Вилоят ҳокими ўзининг пул мукофотини рус маданият марказига ҳадя қилди. Совғанинг аниқ миқдори кўрсатилмаган.
Жорий йилнинг 6 ойи давмида ўзбек муҳожирлари Россиядан ўз ватанига 2 млрд доллар атрофида жўнатган. Бу ҳақида Россия Марказий банки хабар қилди. Жорий рақам ўтган йилнинг худди шу даврига нисбатан 200 млн долларга кўп. Ўтган йили 6 ой ичида меҳнат муҳожирлари томонидан Ўзбекистонга 1 млрд 800 млн доллар жўнатилганди.
Ўзининг исламофоб қарашлари билан машҳур бўлган француз ёзувчиси Эрик Земмур мусулмонларга нафрат уйғотганлиги учун суд томонидан уч минг евро жаримага тортилди. Француз ОАВ хабар беришича, суд Земмурни уч йил олдин телевидение орқали чиқиш вақти мусулмонларга қарши нафрат уйғотадиган фикрлари учун уч минг евро жаримага тортди.
Либериядаги мусулмонлар мактабида 28 киши ёнғинда ҳалок бўлди. Уларнинг орасида икки киши ўқитувчи, қолган 26 таси - болалардир. Ёнғин 18 август, чоршанбага ўтар кечаси бошланди. Ёнғин дастлаб масжидга туташ қурилган ётоқхонани қамраб олди. Энди ўн ёшга тўлган болалар бинони тарк эта олмадилар.