Америка Қўшма Штатлари Президенти Жо Байден Россиянинг Украинага кенг кўламли босқинни бошлашдан олдин ўз олдига қўйган мақсадларига эришиш имконияти йўқлигини ва урушни бой берганини айтди.

Бу ҳақида у Япония бош вазири Фумио Кисида ва Жанубий Корея президенти Юн Сук Йол иштирокидаги уч томонлама саммитдан сўнг сўзлаган нутқида маълум қилди, деб ёзади CNN.
АҚШ президентининг айтишича, Россия диктатори Путиннинг Украинага кенг кўламли бостириб кириш ҳақидаги далиллари "кулгили".
"Россия аллақачон ютқазди. У ўзи маълум қилган асл мақсадига эриша олмайди. Бу имконсиз..." – деди у.
Бундан ташқари, у Россиянинг Украинага қарши тажовузининг оқибатлари Европа доирасидан ҳам чиқишини таъкидлади.
"Тасаввур қилинг, агар биз ҳеч нарса қилмаган бўлганимизда. Ҳаммаси бошидан тушунарли эди... биз ҳар қандай жойда содир бўлиши мумкин бўлган вазиятдамиз. Агар биз тўхтаганимизда, бу Хитойга Тайван қандай сигнал берган бўларди? Бу бутун дунёга қандай сигнал берган бўларди?"- дея ўз фикрини билдирди АҚШ президенти.
Унинг сўзларига кўра, Россия иккинчи жаҳон урушидан бери бўлмаган даражада уруш уюштирган, чунки бу муаммо нафақат Европанинг муаммоси.
Шунингдек, у Токионинг Россия тажовузига қарши позициясини қайд этди ва Япония "шунингдек, G7да кучли етакчиликни намойиш этди ва Украинага молиявий ва гуманитар ёрдам кўрсатишда, шунингдек, ўлимга олиб келмайдиган ҳарбий техника билан таъминлашда катта ҳисса қўшди" – деди.