Коллеж директори ўринбосари Людмила Кострова томонидан имзоланган ўқишдан ҳайдаш тўғрисидаги билдиришномада ўқишдан четлаштиришга ички тартиб қоидаларининг бузилиши сабаб бўлгани айтилади. У муассасада диний атрибутлар тақиқланганлигини айтади, чунки бу "бошқа ўқувчиларга салбий таъсир қилади".
"Ҳижоб диний атрибут эмас, балки оқ тиббий қалпоқ остида деярли кўринмайдиган рўмолдир", деди талабалар манфаатларини ҳимоя қилувчи ҳуқуқшунос Магомед Нурбагомедов.
Дарҳақиқат, шикоятлар аллақачон турли органларга юборилган ва буйруқлар олингандан сўнг, судда даъво аризаси тайёрланади. Талабаларнинг ўзлари ҳам Доғистонликларнинг Дон жамоасига мурожаат қилишди, уларнинг вакиллари аллақачон коллеж маъмурияти билан гаплашган, аммо ҳеч нарсани исботлай олишмаган.
Адвокатнинг сўзларига кўра, унинг мижозлари Новочеркасск, Чеченистон ва Доғистондан бўлиб, улар яхши ўқув кўрсаткичларига эга ва бошқа талабалар ва ўқитувчилар билан ҳеч қандай зиддиятга эга эмаслар, буни ўқитувчилар кенгаши йиғилишида мавжуд бўлган қайдлар ҳам тасдиқлайди.
Бундан ташқари, Нурбагомедовнинг қайд этишича, муассаса раҳбариятида хоч тақиб юрган православ талабаларга ҳеч қандай савол йўқ.
Ўқишдан ҳайдалган талабалардан бири, асли Новочеркассклик қиз, исмини ошкор қилмаслик шарти билан "Кавказский узел" нашрига биринчи курс талабаси эканлигини айтди.
"Ўқишни бошлаган пайтимда ҳам мен ҳижобда эдим, сентябр ойида менга бир гап айтишди, бизда дунёвий давлат бор, ўқишга бундай аҳволда қатнай олмайсиз, бу низом билан тақиқланган, дейишди. Бу гап мени ҳайратда қолдирди, мен коллеж сайтида низомни синчиклаб ўрганишга қарор қилдим, лекин унда ҳижоб кийишни тўғридан-тўғри тақиқловчи ҳеч нарса йўқ эди", деди у "Кавказский узел" мухбирига.
У диндорликни акс эттирувчи кийимларга тақиқ фақат биринчи ўқитувчилар кенгашидан кейин қўшилган бўлиши мумкинлигини инкор этмади. "Бу банд 2012 йилдан бери низомда бор, дейишган бўлса ҳам", — дея қўшимча қилди талаба.
Буларнинг барчаси айнан Путиннинг исломофобияга қарши курашчилари (ҳа, Рамзан, биз сизга қараймиз) европалик "сатанизм"га қарши оғиздан кўпик сачратиб курашаётган бир пайтда юз бермоқда. Сизнингча, Қодиров Россия таълим муассасаларидаги исломофобияга эътибор берганми? Йўқ, Қодиров ва рус дунёсининг мусулмонлар билан иттифоқдош бўлган бошқа мухлислари бу ҳақда жим туришади. Уларнинг самимийлиги ҳақида билишингиз керак бўлган ҳамма нарса шу.