Бу ҳақида CNN томонидан эълон қилинган АҚШ штаб бошлиқлари бирлашган қўмитаси раҳбари Марк Миллининг баёнотига асосланиб, "РБК-Украина" хабар бермоқда.
"Улар (руслар - таҳр.) президент Зеленский ва унинг ҳукуматини ағдариб, Қора денгизга чиқишни таъминлашни, Одессани, Днепргача бўлган бутун ҳудудни қўлга киритишни хоҳлашди. Кейин эса, бир оз танаффусдан сўнг, Карпатгача томон ҳужумни давом эттирмоқчи эдилар. Улар бутун Украинани эгаллашни хоҳлашди, аммо ютқазишди", деди генерал.
Милли таъкидлаганидек, Россия Федерацияси стратегик мақсадларга эришмасдан, оператив ва тактик даражада мағлуб бўлди.
"Барча босқинлар барбод бўлди. Ўтган ҳафта биз Россиянинг Херсондан чекинганига гувоҳ бўлдик. Улар дарёнинг нариги томонига чекинишди, жанубдаги позицияларга ўтишди", - дейди офицер.
Бундан ташқари, АҚШ штаблари бошлиқлари қўмитаси раисининг қўшимча қилишича, украиналикларнинг жанг майдонида жанг қилиш истаги россияликларнинг жанг қилиш истагидан анча юқори.
"Узунлиги тахминан 900 км бўлган бутун фронт чизиғида украиналиклар кетма-кет муваффақиятга эришдилар", - дея хулоса қилди Милли.
Эслатиб ўтамиз, ГУР МО раҳбари Кирилл Буданов ҳозир урушнинг ҳал қилувчи даври келаётганини айтди.
Шу билан бирга, у келаси йили Украина Қримга қарши ҳужум бошлаши мумкин, деб ҳисоблайди.
Россия Федерацияси уруршдаги барча мақсадларини бой берди ҳамда оператив ва тактик даражаларда мағлубиятга учрамоқда, - Милли
Украина ҳудудига кенг кўламли бостириб киришга буйруқ бериб, Россия Федерациясининг ҳарбий-сиёсий раҳбарияти катта стратегик хатога йўл қўйди.
|
Мақола жойлаштирилган бўлим:
Янгиликлар
|
Бошқа мақолалар: Абу Муслим
- Қўрқув формуласи: Россия нима учун қитъалараро баллистик ракетани ишлатди?
- Оқ уй: Путиннинг таҳдидларига қўйганимиз бор АҚШ Украинага ёрдам бераверади
- Супертурбина водородда ишлаб чиқарилаётган энергия: Россия газига алтернатива
- Халқаро Жиноят Суди жиноятчи Нетаньяху ва собиқ мудофаа вазирига нисбатан ҳибс ордери чиқарди
- Инсон ҳуқуқлари умумий Ислом декларацияси