Украинанинг ғарбий иттифоқчилари Раммштейн форматида навбатдаги учрашув ўтказдилар. Бу сафар - кечаги энг йирик ракета ҳужуми ва НАТО аъзоси бўлган Польша ҳудудига ракеталарнинг қулаши фонида.
РБК-Украина асосий натижалар ва баёнотларни тўплади.
Асосий мавзу ва ҳарбий ёрдам
Украина мудофаа вазири Алексей Резниковнинг сўзларига кўра, бугунги йиғилишнинг асосий мавзуси Украина осмонини ҳимоя қилиш ҳамда яхлит ва қатламли ҳаво ҳужумидан мудофаа тизимини яратиш бўлди. Учрашув якунига кўра, АҚШ штаби бошлиғи Марк Милли иттифоқчиларнинг вазифаси шундай тизим яратиш эканлигини тасдиқлади.
"50 га яқин давлат иштирокидаги бугунги музокараларнинг муҳим қисми осмонни назорат қилишни давом эттириш ва Россия ҳаво устунлигининг олдини олиш учун Украинани ҳаво мудофаа тизимлари ва ўқ-дориларининг тўғри комбинацияси билан қандай таъминлашга бағишланди", деди у
Швеция
Швеция ҳукумати 287 млн долларлик йирик ҳарбий ёрдам пакетини ажратишга қарор қилди. Хусусан, у ҳаво ҳужумидан мудофаа тизимлари ва ўқ-дориларни ўз ичига олади.
Эслатиб ўтамиз, Украина Швециядан Archer артиллерия тизимларини етказиб беришни сўрайди, бироқ улар ушбу пакетга киритилмаган. Келажакда улар етказиб берилиши мумкин.
Канада
Канада Украина Қуролли Кучлари учун қишки жиҳозларнинг етакчи етказиб берувчиларидан бири бўлиб қолмоқда. Яқинда 500 млн долларлик ёрдам ҳақида маълум бўлди. Маблағлар ҳарбий техника, кузатув ва алоқа воситалари, ёқилғи ва дори-дармонларга сарфланади.
Германия
Немис шериклари аллақачон MARS II ракета тизимлари ва артиллерия снарядлари учун ўқ-дориларни топширишган. Бундан ташқари, танклар учун тягачлар, чегарачилар учун автомобиллар, оғир пулемётлар учун эҳтиёт қисмлар, мобил иситиш тизимлари ва камикадзе дронларга қарши воситалар етказиб бериш ҳақида маълум.
Греция
«Рамштайн» форматида бўлиб ўтган учрашувда греклар артиллерия учун 155 мм ўқ-дорилар еткащиб бериш ҳақида эълон қилди.
Польша
Қўшни мамлакат қўшимча артиллерия, ўқ-дорилар, шунингдек, яқин масофага ишлайдиган ҳаво ҳужумига қарши воситалар беради.
