Россия ҳукумати вакиллари кўпинча Украинага қарши ҳарбий тажовузни диний ғоялар билан боғлай бошладилар. Хусусан, Украинада "сатанизмга қарши кураш" ҳақидаги фикрлар аллақачон янграй бошлаган.
Бу ҳақда АҚШ урушни ўрганиш институти (ISW) хабар бермоқда.
Институт таҳлилчиларининг қайд этишича, бу баёнотлардан мақсад Россия армиясидаги диний озчилик гуруҳларини рози қилишга уринишдир.
Хусусан, Россия Хавфсизлик кенгаши котиби ёрдамчиси Алексей Павловнинг айтишича, Украинадаги "махсус операция" деб аталмиш операциядан мақсад "тўлиқ де-сатанизация"дир. Унинг таъкидлашича, Украинани рус православ черкови, ислом ва яҳудийлик қадриятларидан воз кечмоқчи бўлган "ақидапарастлар" бошқаради.
Худди шундай баёнот билан Чеченистон Республикаси раҳбари Рамзан Қодиров ҳам чиқди. У Украинага қарши ҳарбий тажовузни украин "сатинизм"ини йўқ қилишни мақсад қилган  "жиҳод" деб атади.
ISW бу каби баёнотлар Россия Қуролли Кучларидаги диний озчилик гуруҳлари ўртасидаги ўзгача фикрлашни бошқа томонга йўналтириш истагини кўрсатиши мумкинлигини тахмин қилмоқда.
Бундан ташқари, институт Россия армиясида ҳарбий хизматчилар ўртасида диний сабабларга кўра келишмовчиликлар тез-тез учраганини, бу аллақачон зўравонлик авж олишига олиб келганини эслатди.
Эслатиб ўтамиз, аввалроқ Рамзан Қодиров "Россиянинг Россия ҳудудларини ўққа тутишига заиф жавоб чоралари"дан норози эканини айтиб, Украина шаҳарларини ер юзидан "йўқ қилиш"га чақирган эди.
Эътибор беринг, рус тарғиботчилари энди ўз ниятларини яширмайдилар, уларга уруш украиналикларни геноцид қилиш учун керак.