Украинадаги урушда татаристонлик жангари рус руҳонийси Анатолий (Григорьев) ўз ўлимини топди. Поп-жангари ёзда "Олға" деб номланган "кўнгиллилар батальони" билан бирга Украина Қуролли Кучларига қарши жанг қилиш учун кетган эди.
Бу ҳақида InformNapalm халқаро кўнгиллилар жамияти асосчиси, OSINT эксперти Ираклий Комахидзе Facebook да маълум қилди. Босқинчини 18 сентябр куни уйида дафн қилишмоқчи эди.
Руҳоний либосидаги босқинчи ҳақида марсияда айтилишича, у Татаристон Республикасининг Зеленодольск тумани Исаково қишлоғидаги «Богоявление Господня» черковининг бош руҳонийси бўлган.
Маълумки, Анатолий (Григорьев) июл ойи ўрталарида "Олға" "кўнгиллилар" батальони билан бирга Украинага ташланган. Босқинчи қўшинларнинг ушбу дивизияси Татаристонда Путиннинг "махсус операцияси" деб аталадиган ҳудудга жўнатиш учун махсус тузилганди.
«Олға» шартномачилари Россия Федерациясидаги полигонлардан бирида ўқитилди. Руҳоний ҳам ўша ерда кўзга ташланди, у тарғиботчиларга берган изоҳида нега Украина Қуролли Кучларига қарши жанг қилмоқчи эканлигини тушунтирди.
Жангари руҳоний 9 сентябр куни артиллерия зарбаси пайтида йўқ қилинди. Руҳоний либоси ортига яширинган ҳарбий жиноятчининг жасади фақат 16 сентябр куни Татаристонга етказилди.
Комахидзе жангари руҳонийнинг эксклюзив фотосуратларини тақдим этди, бу унинг Россия Федерациясининг шунга ўхшаш "махсус операцияларида" илгари қатнашганлигини кўрсатади.