Украина Қуролли кучлари рус қўшинларини жануб ва шарқда сиқиб чиқариб, уларга катта талофат етказган ҳолда қарши ҳужум ҳаракатларини давом эттирмоқда. Бороваяда (Харьков вилояти Изюм туманидаги шаҳар типидаги аҳоли пункти) Украина аскарлари Оскол дарёсидан ўтгани ҳақида маълумот бор.
Украинадаги ҳозирги ҳарбий ҳаракатлар хариталари Америка урушни ўрганиш институти (ISW) томонидан Твиттерда эълон қилинди.
Таҳлилчилар таъкидлаганидек, 13 сентябрь куни Россия манбалари Украина Қуролли кучлари Бороваядаги Оскол дарёсидан ўтгани ҳақида хабар беришди.
Таҳлилчиларнинг қайд этишича, Кремл блоггерлари Осколни янги фронт чизиғи сифатида белгилаган.
"13 сентябрь куни улар Украина Қуролли кучлари Изюм шаҳридан 30 км шимоли-шарқда ва Луганск вилоятининг маъмурий чегарасидан унчалик узоқ бўлмаган Боровая дарёсидан ўтиб кетгани ҳақида хабар беришди", — дейилади ISW ҳисоботида.
Урушни ўрганиш институти фикрича, бу Украина кучлари дарёнинг нариги томонидаги Россия позицияларига таҳдид қилиш учун маҳаллий қуруқлик ҳужумларини давом эттираётганидан далолат беради.