Украина армияси фронтнинг жанубий секторида фаолликни сезиларли даражада оширди ва Россия техникаси ва жонли кучини йўқ қилиш тезлигини оширди. Бундан ташқари, Херсон вилоятида рус армиясининг йўқ қилиниши сентябр ойида жанубдаги рус позициялари қулайдиган миқёсга етди.
Бу ҳақда италиялик ҳарбий таҳлилчи, НАТО нинг қуруқликдаги кучлар, артиллерия ва ракета тизимлари бўйича эксперти Томас Тайнер маълум қилди. Твиттер ижтимоий тармоғидаги саҳифасида Херсон вилоятидаги вазиятнинг ривожланишини шарҳлар экан, Тайнер асосий омиллардан бири сифатида Днепр бўйлаб мавжуд барча кўприкларнинг ишдан чиқарилишини қайд этди.
Натижада, Украина Қуролли кучларининг доимий ҳужумларидан азият чекаётган руслар дарёнинг ғарбий соҳилидаги йўқотишларни қоплашга улгурмаяпти.
Эксперт ҳисоб-китобларига кўра, сентябр ойидаги жорий суръат Россиянинг Херсон вилоятидаги позициялари барбод бўладиган вазият яратади.
"Ҳозирда Украина Херсондаги рус техникаси ва жонли кучини Россия уни тўлдиришидан анча тез суръатда йўқ қилмоқда, чунки Днепр бўйлаб барча кўприклар яроқсиз ҳолга келган. Агар Украина Херсондаги русларни шундай тезликда камайтирса, сентябр ойида руслар қулайди", деб таъкидлади эксперт.