Кремл россияликлар юанда сақлаган валюта захираларининг 17 фоизини олиб чиқишда жиддий муаммоларга дуч келиши мумкин. Россия Федерацияси ушбу маблағлардан эркин фойдалана олмайди.
Бу ҳақида нуфузли Bloomberg нашри Россия Марказий банкининг яқинда ўтказилган тақдимотидан билиб олди.
Россия 100 миллиард доллар эквивалент маблағларни юанда сақоайди, бу мамлакат олтин-валюта захираларининг 17 фоизини ташкил қилади. Маълум бўлишича, Москва бу маблағларни осонликча олиб чиқа олмайди. Бунинг учун у Пекин билан алоҳида шартнома имзолаши керак.
Ғарбнинг санкциялари муносабати билан Россия учун олтин-валюта захираси бўйича фаол бўлиши жуда қийин. Доллар ва евро тақиқланган. Россия Федерацияси учун очиқ бўлган валюталар жуда ишончли эмас.
Шу тариқа турк лираси ҳозирда 10 йилдан бери тўхтамаган оғир девальвацияни бошдан кечирмоқда. Бу вақт ичида у ўз қийматининг тахминан 90 фоизини йўқотди.
Москва Бирлашган Араб Амирликлари дирҳамларига сармоя киритишдан қўрқади, чунки Вашингтон санкцияларни четлаб ўтиш учун Москва маркази тақдиридан воз кечиш талаби билан мамлакатга босим ўтказмоқда.
Руслар учун ягона мақбул вариант Хитой юанидир. Бироқ, жуда жиддий муаммо бор - Москва ўз қўллари билан ўзини ХХРнинг вассалига айлантирмоқда. Россия Федерацияси заҳираларини юанга айлантириш жуда осон, аммо уни олиб чиқиш жуда ва жуда қийин. Хитой расмийларининг рухсатисиз Москва ўзининг пулларини ололмайди. Бу Пекинга ўта жиддий қарам бўлишни англатади.
Ҳозир Хитой Россиянинг санкциялар туфайли музлатилмаган валюта захиралари қолдиқларини "гаровда" ушлаб турибди.
Умуман олганда, Украинага тўлиқ миқёсли ҳарбий бостириб киришдан олдин, Москвада 640 миллиард доллар захира мавжуд эди. Бунинг ярмидан кўпини россияликлар  Ғарб валюталарида: долларларда (АҚШ ва Канада), еврода, инглиз фунтларида сақларди. Кремль санкциялар туфайли улардан фойдаланиш имкониятидан маҳрум.
Россия Федерацияси заҳираларида 2,3 минг тоннага яқин олтин ҳам мавжуд. Бироқ, худди шу санкциялар туфайли руслар уларни деярли сота олмайди.