Бу йил Украинанинг Мустақиллик куни уруш соясида қолди. Аммо айнан ҳозир бу рамзийдир, чунки Украина, унинг халқи, ҳимоячилари ўз озодлиги ва мустақиллиги учун курашмоқда. Киевнинг марказида, Крещатикда бу кун гавжум эмас. Асосан, одамлар вайрон қилинган рус техникасининг "парадини" кўриш учун келишмоқда. Бу ҳақида UA телеканалининг FREEDOM марафони эфирида мухбир Ева Николашвили айтиб ўтди.

Журналистнинг эслатишича, бугун Россия Украинага кенг кўламли ҳужум бошлаганига роппа-роса олти ой ўтди. Босқинчилар уч кун ичида Киевни эгаллашни режалаштирган эди, лекин айни пайтда уларнинг ёниб кетган техникалари Киевнинг асосий кўчаси - Крещатикда намойиш этилди.
Аллақачон мемга айланган "Киевни уч кун ичида оламиз" ибораси ҳақиқий режа эди.
"Учинчи куннинг охирига келиб, русларнинг режасига кўра, улар Украина президенти маъмурияти биносида Россия Федерацияси байроғини кўтаришлари керак эди. Бу асосий режа эди", - дейди Бош разведка бошқармаси бошлиғи Кирилл Буданов.
Босқинчилар бундай кучли қаршиликни кутмаган эдилар. Улар халқ норозилик билдиришини кутишмаган.
Украина ҳарбийлари Киевни қуршаб олишга уринган минглаб россияликларнинг асосий қисми билан курашди, минтақа ва пойтахт устидан назоратни сақлаб қолди. Блицкриг муваффақиятсизликка учрагач, босқинчилар тинч аҳолини шафқатсизларча ўлдиришни, уйлар ва инфратузилмани вайрон қилишни бошладилар.
Буча, Гостомель, Ирпень. Ҳозир бу шаҳарларни бутун дунё билади.
"Бу нафрат, нотавонлик. Улар ҳеч нима қила олмадилар. Уларга Киевни олиш вазифаси юклатилганди. Улар буни қила олмадилар ва ғазаблари ва нафратларини оддий одамларга, болаларга, аёлларга тўкдилар", дейди «Черные запорожцы» номли 72-Омбр қўмондони Александр Вдовиченко.
Мошчун учун жангни Александр Киев мудофаасидаги бурилиш нуқтаси деб атайди. У ерда оз сонли Украина ҳарбийлари энг муҳим стратегик нуқтани сезиларли даражада устун бўлган душман кучларидан ҳимоя қилди. Айнан ўша ерда бир неча минг руслар Ирпень дарёси тошқинидан кейин ёриб ўтишга ҳаракат қилишган.
"У ерда душман энг яхши кучларини йўқотди, ўз элитасини ўша ерда қолдирди. Ўз пойтахтини ҳимоя қилиш истаги, барчанинг бирлиги Киевни сақлаб қолди. Ҳар бир аскардан тортиб, энг юқоридагиларгача, ҳамма ўз ишини қилди", - ишончи комил Вдовиченконинг.
Аллоҳ таоло истаган тарафга ғолибликни беради...