Россияликларнинг Винницага қилинган ракета ҳужуми натижасида тинч аҳолидан бўлган қурбонлар сони 21 кишига етди, яна 51 киши касалхонага ётқизилди.
Бу ҳақида Винница вилояти ҳарбий маъмурияти раҳбари Сергей Борзов маълум қилди, дея хабар беради "Укринформ".
"Ҳозирда шаҳарга ракета ҳужуми оқибатида 21 киши ҳалок бўлган, улардан 3 нафари бола. 90 киши ёрдам сўраб тиббиёт муассасаларига мурожаат қилган, 51 киши касалхонага ётқизилган. Операциялар давом этмоқда", — деди у.
Вилоят давлат ҳокимияти раҳбари жабрланганлар барча зарур дори-дармонлар билан таъминланганини таъкидлади.
Борзовнинг сўзларига кўра, ракета зарбаси одамлар гавжум бўлган Замостянский туманидаги марказий майдонга тушган. У ерда ҳеч қандай ҳарбий иншоот йўқ эди, деди у.

Маълумот учун
Рубрика хабар қилишича, соат тахминан 11.00 да Россиянинг учта ракетаси Винница марказида офислар жойлашган бинога келиб тушди.
Яқин атрофдаги уйларга зарар етган, автотураргоҳда бир неча ўнлаб автомобиллар ёниб кетган.
Кейинчалик камида 12 киши, шу жумладан кичик бола ҳалок бўлганлиги маълум бўлди.
Дастлабки маълумотларга кўра, Россиянинг 3 ракетаси офис бинолари бўлган бинога урилган. Зарбадан офицерлар уйи ва яқин атрофдаги турар-жой бинолари ҳам шикастланди.
Ракета тушган жойда ёнғин чиқди ва автомобиллар тўхтаб туриш жойига ўтди. 50 га яқин машина ёниб кетган.