Северодонецкдан шарқда Белогоровка яқинидаги жангларда рус армияси катта йўқотишларга дуч келди, бу ҳақида маълумотлар оммавий ахборот воситаларида тарқала бошлади. Фақатгина сўнгги бир неча соат ичида разведка русларнинг ҳалок бўлган ҳарбийларни учта Камаз ва "Урал" русумли юк машинасида аҳоли пункти ҳудудидан олиб чиққанини қайд этди.
Бу ҳақида "Информационное сопротивление" гуруҳининг ҳарбий-сиёсий кузатувчиси, ҳарбий эксперт Александр Коваленко ҳарбий манбаларга таяниб хабар берди.
У ўзининг Facebook даги саҳифасида Шойгу Путинга ўтган ҳафта Луганск вилоятининг босиб олингани ҳақида хабар берганини, бироқ ўша пайтдаги маълумотлар ёлғон эканлигини таъкидлади. Бундан ташқари, Луганск вилоятини, шу жумладан Северодонецк ва Лисичанскни тўлиқ эгаллашга уриниш пайтида рус ҳарбийлари катта миқдордаги шахсий таркибни йўқотди.
"Белогоровка яқинидаги қўшинларимиз жуда кўп босқинчиларни йўқ қилди. Фақат сўнгги бир неча соатнинг ўзида Россиянинг учта Камаз ва "Урал" русумли автомашиналарида аҳоли пункти ҳудудидан «юк-200» олиб чиқиб кетаётгани қайд этилди", деди у.
Коваленконинг таъкидлашича, Украина Қуролли Кучларининг Россия ҳарбий қисмларини йўқ қилиш пайтида улар босқинчилар позицияларини йўқ қилиш учун артиллерия, авиация, шунингдек, ҳужум гуруҳлари комбинацияланган воситаларидан фойдаланганлар. "Бу фақат бошланиши!"- дейди эксперт.