Рус босқинчилари бор кучини Северодонецкни қўлга олишга ташлаган бир пайтда Украина армиясининг бўлинмалари мамлакат жанубида Херсон вилоятида илгари ҳаракатланмоқда. Австриялик ҳарбий таҳлилчи Том Купер бу ҳақида Украина Қуролли кучларининг муҳим тактик маневрини таъкидлаб ёзади.
Ўз навбатида, ҳарбий эксперт Олег Жданов Украина қуролли кучларига Россия гуруҳлари плацдармини икки қисмга ажратиш имконини берадиган Новая Каховка йўналиши бўйича қарши ҳужум операциясининг муҳимлигини таъкидлайди. Бундан ташқари, муваффақиятга эришган тақдирда Украина Херсонни озод қилиш ва Кривой Рог гуруҳини ўраб олиш имкониятига эга.
«Бу қарши ҳужум ҳаракатларига жуда муҳим уриниш. Биз Новая Каховка рўпарасида олдинга силжияпмиз, бу гидроэлектр станцияси. Ва бу Кривой Рог ҳудудида жойлашган рус қўшинларининг бутун гуруҳини таъминлайдиган Днепр орқали иккинчи кўприк. Агар биз ушбу працдармни иккига ажратишга муваффақ бўлсак, унда биз Херсонга икки томондан - шимолдан Днепр бўйлаб ва Ғарбдан Николаев томондан ҳужум қила оламиз", - дея таъкидлади Жданов.
Унинг сўзларига кўра, ушбу плацдармнинг Украина қуролли кучлари томонидан иккига ажратилиши Украина кучларига Россия мудофаа чизиғини четлаб ўтиш учун Херсонга қанотдан зарба бериш имкониятини яратади. Унинг сўзларига кўра, Россия Херсоннинг шимолидаги барча мудофаа линияларини тезда жиҳозлай олмайди.
"Шунинг учун бу йўналиш жуда муҳим", деди у.