Америка қўшинлари Афғонистондан олиб чиқилгач, минтақада экстремистик ғоялар ва тенденциялар жадал ривожлана бошлади, бу эса Қозоғистонда норозилик ва тартибсизликларга сабаб бўлди, дейди Россиянинг Вашингтондаги элчиси.
Қозоғистонда йирик тартибсизликларга айланган норозилик намойишлари АҚШ Афғонистондан қочиб кетганидан кейин содир бўлди ва Вашингтоннинг ҳаракатлари минтақада экстремистик ғояларнинг ривожланишига сабаб бўлди. Бу ҳақида Россиянинг АҚШдаги элчиси Анатолий Антонов маълум қилди.
Унинг сўзларига кўра, Қозоғистон мисантропик мафкурага эътироф этувчи радикаллар ҳужумига учраган. Элчининг таъкидлашича, минглаб жиҳодчилар ва талончилар Қозоғистонда конституциявий тузумга путур етказишга уринишган, тинч аҳолига қарши қурол ишлатган, шунингдек, давлат ва хусусий мулкка зарар етказган.
“Буларнинг барчаси Американинг Афғонистондан қочиб кетиши ва минтақадаги экстремистик ғоялар ва тенденцияларнинг жадал ривожланиши фонида содир бўлаётганини таъкидлаб ўтаман”, - деди Антонов.
Дипломатнинг қайд этишича, ҳуқуқ-тартибот идоралари ходимлари, тиббиёт ходимлари ва ўт ўчирувчиларга ҳужум қилган бандитларни тинчлантириш амалиёти Россия учун номақбулдир. “Террорчилар билан олиб борилаётган ҳар қандай музокаралар уларни янада оғирроқ жиноятлар содир этишга ундайди. Ишончим комилки, Давлат департаменти буни жуда яхши тушунади, бироқ улар икки томонлама стандартлардан воз кечишни хоҳламайдилар”, — дея қўшимча қилди у.
Антоновнинг сўзларига кўра, Қозоғистонда содир бўлаётган воқеалар каллакесарлар ва талончилар ёрдамида “рангли инқилоб” қилишга янги уринишдир. “Ишончим комилки, Қозоғистоннинг ваколатли идоралари вазиятни тушунади ва терроризм илдизлари қозоқ заминидан юлиб ташланади”, — дея хулоса қилди элчи.
2 январ куни Қозоғистонда ёқилғи нархи икки баравар ошиши муносабати билан норозилик намойишлари бошланди. Кейинчалик улар хавфсизлик ходимлари билан тўқнашувга айланган. Мамлакатдаги нотинчлик туфайли фавқулодда ҳолат эълон қилинди ва аксилтеррор операцияси бошлангани маълум қилинди. Ҳукумат истеъфога чиқди. Хавфсизлик кучлари ва намойишчилар томонидан уюштирилган тартибсизликлар натижасида қурбонлар ва жароҳатланганлар бор. Ҳуқуқ-тартибот ходимлари тартибсизликларнинг 6 мингга яқин иштирокчисини ҳибсга олди.