Алматида қўлга олинган Викрам Рузахунов ҳибсдан озод этилди. Бу ҳақида маълумотни 24.kg нашрига ГКНБ матбуот марказида тасдиқлашди.
Аниқланишича, мусиқачи ватанига қайтмоқда.
Эслатиб ўтамиз, аввалроқ Қирғизистоннинг Қозоғистондаги бош консули Назарали Арипов Алматида ҳибсга олинган Қирғизистон фуқароси Викрам Рузахунов ҳамон шаҳар тергов изоляторида қолаётганини маълум қилганди. Дипломатлар воқеа жойида ва қўлга олинган қирғизистонлик билан учрашувни кутишмоқда.
Қирғизистоннинг Қозоғистондаги Фавқулодда ва Мухтор элчиси Дастан Дюшекеев ҳам 24.kg нашрининг мусиқачи озод этилгани ҳақидаги маълумотни рад этди. "Қозоғистон Республикаси Ички ишлар вазирлиги вакиллари бизга бу маълумотлар ишончсиз эканини айтишди. Биз, ўз навбатида, тафсилотларга ойдинлик киритишни сўрадик. Бироқ уларнинг ўзлари бу хабар қаердан келганини ҳозирча билишмайди", — деди у.
Эркак киши Қозоғистонга Алматидаги митингда иштирок этиш учун келганини айтган видеода Бишкеклик жазз оркестри раҳбари Викрам Рузахуновни таниб колишди. Аввалроқ маҳаллий қозоқ телеканалларидан бирининг эфирида ҳибсга олинганлардан бири Қирғизистондан учиб келгани айтилган сюжет намойиш этилган эди. Хабарда айтилишича, 1 январь куни қандайдир одамлар Қирғизистон фуқаросига қўнғироқ қилиб, 200 доллар эвазига митингда қатнашишни таклиф қилган. Кадрларда эркакнинг юзида калтакланган бўлиши мумкин бўлган излар борлигини кўриш мумкин. Қирғизистон Ташқи ишлар вазирлиги ва Ички ишлар вазирлиги ҳодиса тафсилотларига аниқлик киритмоқда.
“Ишончимиз комилки, ҳибсга олинган Викрам Рузахунов ва шундай аҳволга тушиб қолган бошқа юртдошларимиз қардош Қозоғистонда драматик воқеаларни қўзғатган кучларнинг даҳшатли режалари қисмининг навбатдаги қурбонларидир”, — дейилади Миллий хавфсизлик давлат қўмитаси хабарида.