11 июнь куни республикада аҳолини эмлаш бўйича кенг кўламли кампания бошланди. Шунингдек, Уламолар кенгаши аъзолари, Ислом университети проректори ва педагоглари, шунингдек, Бишкек қозилиги имомлари ҳам эмланди.
Шу кунларда Уламолар кенгаши коронавирусга қарши эмлаш ҳақида фатво чиқарди, унга кўра эмлаш ислом қоидаларига зид эмас ва энг самарали профилактика усулларидан бири ҳисобланади.
Бироқ тармоқда айрим фойдаланувчиларни эмлаш вақти олинган фотосурат ҳайрон қолдирди. Уларга ўзини укол қилаётган қилиб кўрсатган ҳамшира шприцни тескари томон билан ушлаб тургандай туюлди.
Кўпчилик бу фотосуратнинг ҳақиқий эканига шубҳа билдирди. Factcheck.kg нашри таҳририятининг таъкидлашича, у ўқувчиларнинг сўровларига кўра фотосуратни текшириб кўрган. “Биз тасвирда фотомонтаж излари бор-йўқлигини текширдик ва фотосурат ҳақиқий эканини аниқладик» – дейилади нашрда. Фотосуратни диққат билан разм солиб қарашда шуни сезиш мумкинки, ҳамшира ҳақиқатда шприцни шунчаки қўлида ушлаб турибди ва муфтийнинг елкасига тегмаяпти. Фотосурат укол қилинаётган пайт олинган.
Шу билан бир пайтда, айрим кузатувчилар видеода икки хил одам тасвирланган деб ҳисобламоқда. Уларнинг фикрига кўра, бевосита укол вақтида муфтийнинг қўйлакли қўлига ўхшамайдиган, калта енгли майка кийган бошқа одамнинг қўли йирик планда тасвирга тушиб қолган.