Бу ҳақида Қатар ТИВ раҳбари Муҳаммад бин Абдурраҳмон ал-Таний Twitter да ёзди.
Вазирнинг хабар қилишича, молиявий ёрдам Қатар амири шайх Таммим бин Ҳамад ал-Санийнинг топшириғи бўйича ажратилади.
«Фаластиндаги биродарларимизни мустақил Фаластин давлатини тузиш орқали адолатли ва барқарор ҳал этишга эришишда қўллаб-қувватлаймиз», - дейилади Қатар дипломатияси раҳбари баёнотида.
Муҳаммад ал-Имодий бошчилигидаги Қатар ташқи ишлар вазирлигининг Ғазони тиклаш қўмитаси Ғазо халқига хизмат қилувчи лойиҳаларни амалга оширишда ва йиллар давомидаги Исроил қамали оқибатларини юмшатишда муҳим роль ўйнайди.
Аввалроқ Миср Президенти Абдулфаттоҳ ал-Сиси ҳам Ғазони қайта тиклаш учун 500 млн доллар ёрдам ваъда қилган эди.
21 майга ўтар кечаси қамал қилинган Ғазо секторини назорат қилувчи Фаластин ҳаракати ХАМАС ва Исроил ўртасида "бир вақтда ва ўзаро ўт очишни тўхтатиш" тўғрисидаги битим кучга кирди. Келишувга Миср воситачилиги орқали эришилган.
Исроилнинг  10 майдан бери Ғазо секторига қилган зарбалари оқибатида 254 фаластинлик, жумладан 66 бола ва 39 аёл ҳалок бўлди. Исроил томонида 12 нафаргача одам ҳалок бўлган.