Давлат раҳбари матбуот хизматининг хабар беришича, йиғилишда асосий вазифа - аҳолининг яшаш шароитларини тиклаш, бузилган уйларни таъмирлаш ва янги турар жойларни қуриш ишлари бошлангани таъкидланди. "Янги уйларнинг таъмирланиши ҳам, қурилиши ҳам давлат томонидан бепул бўлади. 1 сентябрга қадар одамлар янги квартираларга ва таъмирланган уйларига кўчиб ўтишлари мумкин. Шу билан бирга вайрон бўлган уйлар остидаги ерлар ўз эгаларининг ихтиёрида қолади", деди президент.