Тергов ишлари бошланди. Асосий тахмин сифатида техник носозлик, аниқроқ айтадиган бўлсак, двигателнинг ўт олиши кўрсатилмоқда, хабар беради IRNA.
Маълум қилинишича, йўловчилар асосан чет элликлар бўлган. Хусусан, 15 киши (иккита йўловчи ва 13 нафар экипаж аъзоси) Украина фуқароси, 71 киши – Эрон фуқароси, 73 киши – Канада фуқароси (асли эронликлар), 8 киши – Швеция фуқароси, 6 киши – Афғонистон фуқароси, 4 киши – Германия фуқароси ва 3 киши – Буюк Британия фуқароси бўлган.
Йўловчиларнинг айримлари Эронга КСИР «ал-Қудс» махсус бўлинмаси қўмондони, АҚШ президенти Трампнинг буйруғи билан америкалик ҳарбийлар томонидан ўлдирилган генерал Қосим Сулаймоний билан видолашиш учун атайлаб келган бўлиши эҳтимоли йўқ эмас.
Эронда Украинага тегишли самолет қулаб тушди, омон қолганлар йўқ
Эрон ҳудудида бортида 176 киши, жумладан, тўққиз нафар экипаж аъзоси бўлган Украина йўловчи ташувчи самолети ҳалокатга учради. Фожиа чоршанба куни тонгда Эрон пойтахтида рўй берди. Киев томон йўл олган «Украинские авиалинии»га тегишли Boeing 737 Имом Хомейний номидаги Эрон аэропортидан кўтарилганидан кўп ўтмасдан қулаб тушди. Самолет бортида бўлганларнинг омон қолиши учун ҳеч қандай имконият йўқ эди.
|
Мақола жойлаштирилган бўлим:
Янгиликлар
|
Бошқа мақолалар: Абу Муслим
- Қўрқув формуласи: Россия нима учун қитъалараро баллистик ракетани ишлатди?
- Оқ уй: Путиннинг таҳдидларига қўйганимиз бор АҚШ Украинага ёрдам бераверади
- Супертурбина водородда ишлаб чиқарилаётган энергия: Россия газига алтернатива
- Халқаро Жиноят Суди жиноятчи Нетаньяху ва собиқ мудофаа вазирига нисбатан ҳибс ордери чиқарди
- Инсон ҳуқуқлари умумий Ислом декларацияси